Sam 9:19 - Madak

¹⁹ Leeme Silok, ude u! Nemen uta ke xepe limixin dina lox abulubun kepe levelinga ram! Una lam kaka lavamolon uto melamgo ram la una vaxaru di at lavapaase.

Sam 9:19 ပူးပေါင်းရင်းမြစ်များ

Sam 10:12

O Leeme Silok, una lox asongot mo limixin kakapmek la una doma nedi limixin ua dim suma mo losongsongot!

Sam 149:7

kusu tik sak tup mi levenabung mixin petpes, la rik lox asongot di,

Sam 3:7

Ude u, Leeme Silok! Lox aroo ia, Moroa rak! Unaba lox i atla uk lox asongot limixin munepen minia, la uk lok kepe lolos basinge di kusu di noxo lox asongor ia.

Sam 44:23

Leeme Silok, una aus! Una beleku kaxat! Una xatu upana! Nemen uta raba arulu rino axap ta nema!

Sam 44:26

Ude, una lok tooro nema! U ruuna labalamu lexen tinama, kuren la una lox asepsu nema!

Sam 7:6

O Leeme Silok, una lox asuusu lebelemumu ram. Una beleku kaxat, la una tu pe lumukmusak silok at limixin munepen minia, la una lok tooro ia. Nenu u vavara mene limixin dina rooro mokmokso.

Sam 79:6

Una lok pukus mo lebelemamao ram kusu na subu mavana at levennep silok no dixo lotu saparav u, la pana atnedi no dixo ngising saparav u;

Sam 80:2

una ru asuvos ti levenabung mixin taram me Epraem, Benjamin, la Manase. Una lox ase nema mi lolos taram; la ude u la una lox asepsu nema!

Lisilimet 19:15

Lavarise sengsen i sixisu boro at lungusno ren kusu ri sak tup minedi limixin at levennep silok. La neni naba lok tatao di ngan lamgomgo atnedi, la loklok tatao ren ba lolos aleng. Neni naba lox asuusu lebelemamao silok at ne Moroa i lolos aleng.