Sam 9:14 - Madak

¹⁴ kusu anaba tu ro melamgo at limixin to Jerusalem, la ana tong asu i ridi ri levempanga nia a emi asu minu min. La ana lox asuusu lomomo rak atla uga lox asepsu ia.

Sam 9:14 ပူးပေါင်းရင်းမြစ်များ

Sam 106:2

Kopmen tara i epovo na tong axap leven angsangan lempanga silok neni gara lok pam i. Kopmen tara i epovo xusu naba lox epovo lodoxoma ren mi leemi asu rin.

Sam 13:5

Ketla a nuunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge lavamunepen tarak.

Sam 20:5

Do Leeme Silok na lox epovo na levesingising la una sak tup mi lavamunepen taram, manabap kup mi lomomo, la manaba lok katling i mi leemi asu mi ne Moroa. Ma sing Leeme Silok naba lox asoxos axap levesingising taram.

Sam 21:1

O Leeme Silok. Loorong i lok momo, atla nenu ugam taba i mi lolos; i sosoro atla nenu ugam taba i mi lolos tik sak tup mi lavamunepen teren.

Sam 22:22

Do una lok tooro ia, anaba tong asu i ri limixin tarak. Anaba emi asu minu ro at lovotpot buru atnedi.

Sam 22:25

Anaba emi asu mi laasen taram to at lovotpot buru silok, ti levempanga ugara lok pam i. Anaba tu ro melamgo atnedi di lotu saparav u la anabaplavang tu mi levempanga nia aga xaape min.

Sam 35:18

Do kuren, nia anaba tong loklok avukat tu ro melamgo at lovotpot buru at limixin taram. Nia anaba emi asu minu ro melamgo atnedi axap.

Sam 35:9

Kuren la nia anaba momo ri Leeme Silok; nia anabak lek atla neni ga lox asepsu ia basinge di.

Sam 42:4

Lainbulu i suxuna ia at loxonaleng am doma su at levenaleng migomgo. At nom levenaleng nia aga emu mi limixin solo uto at loogu at ne Moroa; la nia agam gomgo nga di at nom lavatpas. Buaang limixin digat pas mi lomomo, livikpixan mi luxupkup mi leemi asu saparap ne Moroa.

Sam 51:12

Una raba amlong manga ia mi nom lomomo at loklok arooro ram, la una lok lodoxoma rak kusu ana vavara ri ronga res taram.

Sam 51:15

Leeme Silok, una lok tooro ia ri paase asu levelinga ram, la nia anaba emi asu minu.

Sam 6:3

O Leeme Silok, labalak i umsu mi lanbulu silok. Lingisa ba unaba lok tooro ia?

Sam 75:9

Ketla nenia noxo xap at lavapaase asu levelinga mumu Lomoroa at ne Jakop kopla anak pixan emi asu rin.

Sam 79:13

Kuren la nema limixin taram, ma ngan laxasipsip taram, manaba tong avukat amisik tu la manaba emi asu amisik minu at levenaleng axap i tu melamgo atnema.

Lagale Lavavang At Ne Iesu Karisito Luk Ga Malagan i 1:47

lorooro axap tarak i umsu mi lomomo mila ne Moroa neni Laradi Loklox Arooro rak,