Sam 89:6 - Madak

⁶ Leeme Silok, kopmen teta roxun pana at laxalibet i lok ngan u; kopmen teta at lempanga rooro no vana at laxalibet i epovo eburu minu.

Sam 89:6 ပူးပေါင်းရင်းမြစ်များ

Sam 113:5

Kopmen tara i lok ngan Leeme Silok ne Moroa atdik, neni mo it kis at loxonin orong teren pana.

Sam 29:1

Nemi limixin lolos toxun pana at laxalibet, mina emi asu mi Leeme Silok, mina emi asu min mumu lisisixam la lolos teren.

Sam 40:5

O Leeme Silok, nenu ne Moroa atnema. Buaang laxampanga avukat ugara lok pam i rinema; kopmen tara i nunuan polo u! Ugara lox asuusu vam buaang lempanga sangsangu nunuan tinema. Ixo epovo xusu nia ana tong ampana leexes atdi atla mo levempanga i umsu aleng!

Sam 52:1

Nu laradi silok, tila um simi u at laxapmek taram, la mumu bok mo lempanga xapmek uk lox i ri limixin at ne Moroa?

Sam 71:19

O Moroa. Lempanga axap at na lavatbung menemen kopok la lempanga axap toxun pana at laxalibet, ik lox asuusu loklok taram in manton tino. Ugara lok pam levempanga silok; kuren la kopmen teta go na lok ngan u.

Sam 73:25

Nege bok ba nia a ruuna ka i ro at laxalibet? Nenu xusuk mun. At na levenaleng nenia a ruuna u, a vara bok ba tavanga sala i de at lavatbung menemen?

Sam 86:8

O Leeme Silok, kopmen bok ba temoroa go i lok ngan u, la xopmen tino teta go ga lok tavanga silok ngan mo lempanga nenu ga lox i.

Sam 89:8

Leeme Silok ne Moroa nu Lanaraavuk, kopmen teta go, lolos teren i volo aleng ngan u. O Leeme Silok, nenu u ruturun at lempanga axap.