Sam 89:2 - Madak

² Aklen i do labalamu la loklok tatao ram naba nemen amisik, la noxo xap ngan laxalibet.

Sam 89:2 ပူးပေါင်းရင်းမြစ်များ

Sam 103:17

Ketla nedi dik lok ngangao at Leeme Silok, labalamu ren ik lok amisik mavana atnedi, la luvukat teren ik lok amisik tinedi lavaola axap,

Sam 119:89

Leeme silok, levelinga ram nabak lok at levenaleng axap i tu melamgo, la mo levelinga i tu tuxuruxun kerekngan laxalibet.

Sam 146:6

atla neni laradi runtudum li at laxalibet mi lavatkangka la laras, la mo lempanga axap bok di nemen keneng at na lengkot axap. Neni ik lox epovo amisik leven kakaape ren.

Sam 36:5

O Leeme Silok, labalamu lexen taram i silok aleng tinotno la i urut se rovana se rovana at laxalibet. La uk lox epovo amisik levengkakaape ram nade xopok la i se tu at lamavangkap.

Sam 40:11

Leeme Silok, nia aklen i do lebelemumu ram tia noxo xap. Labalamu mi loklok tatao tuturun taram naba kok avukat amisix ia.

Sam 42:1

Nia ang kongkat mu u, O Moroa. kerekngan lavanga mi lavanuet kangkedek (deer) i minu aleng la ik sixit pupuse dan mumudut ti inin.

Sam 89:37

Na loklok tatao rak tinimi naba nemen amisik ngan lagaaling, ua neni i soso axasep amisik to vana at laxalibet.”

Sam 89:5

Leeme Silok. Lempixan ip tavasu boro vana laxalibet mumu mo lempanga maraanu uk lox i. Luvuttadi xaala dik pixan do u ruturun amisik ti limixin taram.

Metiu 24:35

Laxalibet mi lavatbung menemen naba sonao, ketla levelinga rak noxo xap.”

Lagale Lavavang At Ne Iesu Karisito Luk Ga Malagan i 1:50

I lox asuusu labalamu ren tinedi di lok ngangao ren at laraola axap.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.