Sam 89:15 - Madak

¹⁵ Luvukat mo ik lok tinedi di lotu saparav u mi levempixan, la dik lok maxopok at lebelen tuntun taram!

Sam 89:15 ပူးပေါင်းရင်းမြစ်များ

Sam 44:3

Lubungmixin taram di goxo ruuna xaka nom lenep kangka at teesep. Kopmen di goxo ruuna xaka box i mi lolos atnedi. Diga ruuna ka i mi lolos mun taram, la digaklen i do uga nemen eburu minedi; nom i ga lox asuusu i do uga balamu di.

Sam 4:6

Buaang nedi di ngising keretna: “O Leeme Silok, una raba nema mi laxaloklok anarong solo. Una lox asuusu amisik lebelemulus tinama.

Leven Gugu 2:28

Ugara lox ase vam ia mi langas ti nom lorooro ruturun. Nenu uba suxa umsu ia mi lomomo, mila nenu uk lox eburu minia.” Sam 16:8-11

Sam 100:1

Limixin at lavatbung menemen axap, minak pixan ti Leeme Silok!

Lisilimet 21:23

La mo lemenemen silok ixok pakes ti laxangking mi lagaaling kusu duna soosoo axasev i. Lisisixam at ne Moroa im taba amisik losoosoo at levenaleng axap, la Lanasip ni lababao ren.

Lovoang At Ne Pol Ti Limixin Nunu to Rom 10:18

Ketla a sue xeretna, i ruturun do di goxo ronga levelinga? Laaba, diga ronga i, i ngan pam Lovoang Kaala i vaase i xeretna; “Levempapaase atdi ga ravasu ri limixin at lavatbung menemen axap. La levelinga ga vot tinotno ro at latnese at na lavatkangka.” Sam 19:4

Lovoang At Ne Pol Ti Limixin Nunu to Rom 10:15

La tevelinga naba ravasu xereva mo do dixo riki asu taradi ri vavang min? I ngan Lovoang Kaala i tong i xeretna, “I lox avukat tinotno lavatpas atnedi di vot mi Lagale Lavavang.” Ais 52:7

Sam 90:6

di suu la di repalas asu lamaraanu, la melemu dira molos la dira met manga ukantinao.

Sam 97:2

Lengkon takabu mi lubuxumin dung kan i; neni im gomgonga limixin mi levelinga mokmokso la lodoxoma avukat.