Sam 88:1 - Madak

¹ Leeme Silok ne Moroa, nu laradi loklox arooro rak, ang teng tu at levenaleng kangking la at lengkanimin at pas parav u mi lisingising.

Sam 88:1 ပူးပေါင်းရင်းမြစ်များ

Sam 140:7

Loorong Avolo, nenu Leeme Silok tarak, la nenu lentupe lolos tarak. Ugarak lok tatao avukat pam ia keneng at leven esep.

Sam 22:2

Moroa rak, a toro ru at laxanaleng kangking, la uxo vorang lisingising tarak; la at levengkanimin bok a toro ru, ketla uxok lox amamana labalak.

Sam 24:5

Leeme Silok naba lox anarong di. Moroa ni Lunto atdi la naba tong atkatla li atdi do nedi limixin sepse.

Sam 27:1

Leeme Silok ni laxasep la Lanatoo rak. Nia anoxo marat tangarang ka teta. Leeme Silok neni loogu matmatkun tarak ti pe levenaniu. Kuren la nia noxo marat bok ba.

Sam 27:9

Kuren la nemen gat uta lipe rak! Nemen uta belemamao ia; nemen uta musak kepe ia lasaxaruki ram, atla nenu loklok tooro rak. Nemen uta on basinge ia! Nemen ut ta ke aseeve ia atla nenu ne Moroa, laradi loklok arooro rak.

Sam 42:1

Nia ang kongkat mu u, O Moroa. kerekngan lavanga mi lavanuet kangkedek (deer) i minu aleng la ik sixit pupuse dan mumudut ti inin.

Sam 51:14

O Moroa, una lok tooro ia xusu nia a noxo met la una lox asepsu ia basinge laniu; la nia anaba tong asu ba loklok manmanton taram mi lomomo.

Sam 53:1

Mo limixin di doma i do, “Kopmen tomoroa go i rooro, nedi limixin tangtangku.” Lodoxoma atnedi i bilingot axap tino mi laxapmek; la dira lok pam levempanga ik lok kapmek aleng tinotno, kopmen tara atdi na lok levempanga i nunuan.

Sam 62:7

Nia a nuunu saga mun at ne Moroa, atla ik lox asepsu ia la i lox asilox ia; neni i ruuna lolos ngan Lurutu See Pe rak; neni i lok ngan Loogu Matmatkun i kubak pe ia.

Sam 65:5

Ung tonga res atnama mo do um taba nema mi lolos ti sak tup mi limixin munepen minema. La uk lok bok levempanga nunuan ti lox asepsu nema. Limixin at levengkot axap at na lavatbung menemen la at levenep tas paxalom bok di nuunu saga ram.

Sam 68:19

Leemi asu ri Leeme Silok, neni ip kip levenmumuat atnedik at levenaleng getgesara. Neni ne Moroa ik lox asepsu dik.

Sam 79:9

O Moroa, una lok tooro nema la una lox aroo nema; una lox asepsu nema basinge na lumumuat la una doma xepe laxapmek atnema xusu levenabung mixin petpes diba lok ngangao ram.

Sam 86:3

Nenu ne Moroa rak, kuren la una belemumu ia; at levenaleng axap, a ngising tu.

Lagale Lavavang At Ne Iesu Karisito Luk Ga Malagan i 1:47

lorooro axap tarak i umsu mi lomomo mila ne Moroa neni Laradi Loklox Arooro rak,

Lagale Lavavang At Ne Iesu Karisito Luk Ga Malagan i 18:7

La kereva, ne Moroa? Neni naba ronga linga at limixin axa ren, mo di ngising amisik tin kusu ri loklok tooro at lengkangking la at lengkanimin. La neni noxo lok sila bok kusu ri lok tooro di.

Lagale Lavavang At Ne Iesu Karisito Luk Ga Malagan i 2:30

Ara ven pam langas ti lorooro mi luxatli axa rak,

Lagale Lavavang At Ne Iesu Karisito Luk Ga Malagan i 2:37

La latlok teren ga met la melemu neni ga nemen naa; la levenmaares teren ga epovo at lavanuan sangaun mi lavanuet. Neni xopmen goxo onon basinge loogu laplavang; at lengkangking la lengkanimin, ni ga lotu saparap ne Moroa la ni ga mun anan la ga ngising.

1 Tesalonia 3:10

At levenaleng kanimin la levenaleng kangking ma ngising amisik ne Moroa do mana vot pasa nimi la mana lok tooro nimi, kusu mana lox epovo lavakpakes at lunuunu atnimi.

2 Timoti 1:3

Nenia a tong avukat ti ne Moroa, nia a gugu rin ngan lavalabat tarak diga gugu rin la kopmen taxapmek i nemen keneng tarak. Nia a emi asu amisik mi ne Moroa at levenaleng kangking la levenaleng kanimin keneng at levesingising tarak.

Taitas 2:10

Nemen ditap kip pilo xaka levempanga at luvuttadi amgomgo atdi; ketla dina mumu asu loklok nunuan kusu luvuttadi amgomgo atdi diba ven i, do di epovo na gugu avukat at levempanga axap. Dina mumu asu na leveloklok kusu limixin kopmen dina nuunu at ne Iesu dinaba ven kibis i do levelinga at ne Moroa, leeme loklox arooro atdik, i lox avukat tinotno.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.