Sam 86:9 - Madak

⁹ Mo laranep silok ua nenu uga rudum li di, dinaba xis tintiding to melamgo ram; la dinaba emi asu mi laasen taram.

Sam 86:9 ပူးပေါင်းရင်းမြစ်များ

Sam 102:15

Larabung mixin axap dinaba marat at Leeme Silok; la lavaorong at lavatbung menemen dinaba marat at lolos teren.

Sam 102:18

I epovo do tara na malagan li mo lempanga Leeme Silok ga lox i xusu mo lavaola melemu diba utus i, la dinaba emi asu min.

Sam 66:4

Limixin axap at lavatbung menemen di lotu saparav u; dik pixan emi asu saparav u, dik pixan emi asu ri laasen taram.”

Sam 67:7

Moroa ira lox anarong pam dik, la naba lox avukat do limixin at levengkot axap dina xip aurut laasen teren.

Sam 72:19

Leemi asu amisik la kopmen tekavaxap teren ti laasen melemelengan teren! Keke lisisinang teren na suxuna axap lavatbung menemen. Tuturun! Tuturun!

Sam 72:8

Lixitkis amgomgo ren naba ruka i ro at lenep tas meo, la naba se ro at lenep tas meo, ruka i ro Euprates la naba se at latnese at lavatbung menemen.

Lovoang At Ne Pol Ti Limixin Nunu to Rom 11:25

Luvutnetak mi luvurinuk. Levelinga ruturun mo ik lox alipe, la a vara i do minaklen i. La ni naba rupe levendoxoma atnemi la mina doma i do lakleklen atnimi i volo lentaba vetpes. Mo levelinga i lok keretna; loonon taba aralu at limixin me Israel basinge ne Moroa noxok lox abao, naba se mun do buaang timixin kopmen di me Judaia dina rem gili saparap ne Moroa.

Lovoang At Ne Pol Ti Limixin Nunu to Rom 15:9

la ti lox avolo limixin kopmen nedi me Judaia xusu dina epovo ri emi asu mi laasen at ne Moroa mumu lebelemumu ren. I ngan Lovoang Kaala i vaase i xeretna, “Ni lavasuun teren la anaba tong loklox avukat tu xantubu at limixin kopmen di me Judaia, la anak pixan ti emi asu mi laasen taram.” Sam 18:49

Epesas 1:12

Ni ga lox i xuren kusu nema avot leme Judaia maga nuunu at ne Karisito, taba emi asu mi ne Moroa la taba lox aurut laasen teren.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13

Lisilimet 15:4

Leeme Silok. Limixin axap dinaba lok ngangao ram la di naba emi asu mi laasen taram, mila nenu xusuk mun u melemelengan. Limixin axap at na lavatbung menemen dinaba vosiga u la dinaba lotu parav u, mila levendomdoma mokmokso ram ga ravasu at lasaxaven.” Sam 111:2; 145:7; Jer 10:7 Sam 86:9

Lisilimet 20:3

La mo laangelo ga lu arup min ukopok at lemeroon, la ni ga vipe lavatban la gam lut pe avarang lumusaragu ap mo lemeroon. La ne Satan nabak lok go at legesa abin sangsangaun kobot (1000) levenmaares la ap mo levenaleng neni noxo bala arup bok ba limixin at lavatbung menemen se at laxavaxap ap mo levenmaares. Melemu at nom neni naba sepmus at lentaba levenaleng mene.