Sam 84:11 - Madak

¹¹ Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Sam 84:11 ပူးပေါင်းရင်းမြစ်များ

Sam 119:114

Nenu Lentupe la Lurutu See Pe rak, a nuunu saga at levelinga ram.

Sam 15:2

Neni laradi i mumu asu lavavara at ne Moroa at leventaangas axap, la ik lok amisik leveloklok ik mokso la levelinga ren i ruturun amisik;

Sam 27:1

Leeme Silok ni laxasep la Lanatoo rak. Nia anoxo marat tangarang ka teta. Leeme Silok neni loogu matmatkun tarak ti pe levenaniu. Kuren la nia noxo marat bok ba.

Sam 3:3

Ketla nenu, Leeme Silok, amisik nenu lavatban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.

Sam 47:9

Luvuttadi amgomgo atdi di vot eburu mi limixin at lo Moroa at ne Abaram. Lolos teren i volo lolos atnedi axap limixin esep at na lavatbung menemen; ni Loorong i silok aleng ti lavaorong axap.

Sam 84:9

O Moroa, una lox anarong loorong atnema, mo loorong ua nenu ugara soxolik ka vam i.

Sam 85:12

Leeme Silok naba lox asang kobot amu manga dik, la lenep kangka atnedik naba lox asuusu leveluxa dangdangun avukat.

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Lagale Lavavang At Ne Iesu Karisito Jon Ga Malagan I 1:16

Letaba nabalamu ren i silok aleng tidik, la kerepmo neni ira lox anarong nedik, la iram taba amisik dik mi nom leveloklox anarong.

Lagale Lavavang At Ne Iesu Karisito Jon Ga Malagan I 1:9

Anai ni laxasep tuturun, laxasep ga si ude at na lavatbung menemen la ik lox asuusu laxasep ti limixin axap.

Lagale Lavavang At Ne Iesu Karisito Jon Ga Malagan I 8:12

La ne Iesu ga vaase manga ri limixin keretna, “Nia laxasep at na lavatbung menemen. Do tara na nuunu rak, neni naba ruuna ka laxasep at lorooro, la kopmen noxot pas at lamain.”

2 Korin 3:18

La nedik axap di lox asuusu lisisixam at ne Moroa, mila kopmen bok ba tengkontata nak lok pe lengkatli atdik. La na mun lisisixam i laala boro at Leeme Silok, neni Loroonan, la ik lox ekun dik ngan lampoovo ren la ti mo langsangan lisisixam silok teren.

2 Korin 4:17

La na levesongsongot lixilik i lox asuusu i do langsangan luunun avolo i umsu aleng mi lisisixam at ne Moroa mo i gagas kusu rinama; la i silok aleng ti levesongsongot man tuuna xaka i.

Galesia 2:14

Kuren la at loxonaleng nia aga ven i do nedi di goxo mu asu langas mokmokso mi luruturun at Lagale Lavavang, aga vaase ri ne Pita ro melamgo rinotno atnedi axap keretna, “Nenu laradi me Judaia, ketla nenu nom e, u mumu asu leveloklok at limixin kopmen di me Judaia, la uxop tuvuk ngan laradi me Judaia. Kuren la ua lavasuun teren la u sat ka limixin kopmen di me Judaia xusu dina mumu asu leveloklok at leme Judaia?”

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

Pilipai 4:19

Moroa rak naba raba nemi mi levempanga axap mik pakes tin, i epovo mi langsangan lapnovos keneng at ne Iesu Karisito.

Lisilimet 21:23

La mo lemenemen silok ixok pakes ti laxangking mi lagaaling kusu duna soosoo axasev i. Lisisixam at ne Moroa im taba amisik losoosoo at levenaleng axap, la Lanasip ni lababao ren.