Sam 72:12 - Madak

¹² Neni naba lox asepsu luvuttadi banbalo ua di lotu saparav i basinge lorooro etaba, la nedi bok ua dik pakes la lavapen abulubun.

Sam 72:12 ပူးပေါင်းရင်းမြစ်များ

Sam 10:17

O Leeme Silok, unabang tonga levesing at limixin di lox alixilik di maxopok taram. La unaba lox abelemes nedi.

Sam 102:17

Neni naba ronga nedi limixin teren di baava, la ni naba lox epovo levesingising atnedi.

Sam 102:20

Ni ga ronga lanteng atdi digak lok at loxokoxo la ga lox asepmus nedi ua ga auret kusu dina sev amet nedi.

Sam 55:17

At lenmaxantamak suubu, at levenaleng kangking la at levenaleng kanimin, nia a velevanga mi levesingising lolos tarak mo i turut saparav i, la ni naba ronga ia.

Sam 72:4

Loorong naba ila leveloklok at luvuttadi banbalo mi lodoxoma ruturun. Neni naba lok tooro luvuttadi vakpakes la nat pas asi luvuttadi loklok papavas.

Lagale Lavavang At Ne Iesu Karisito Luk Ga Malagan i 4:18

‘Loroonan Kaala at ne Moroa i nemen tarak, mila ira soxolik ka vam ia xusu ana vavang mi Lagale Lavavang tinedi limixin banbalo. Ira sak tiki vam ia xusu ana tong asu langas ti soxomus asu limixin di nemen at loxokoxo, la ana lox arepalas lengkatli atnedi luvuttadi mi lengkatli atdi i main; la ana soxomus asu limixin di baava mi laxanmumuat at na lavatkangka;

Lagale Lavavang At Ne Iesu Karisito Luk Ga Malagan i 7:22

Neni ga vorang luradi vapaase at ne Jon mi levelinga keretna, “Munamlong la muna tong i ri ne Jon mumu lempanga mu ven i la mu ronga i; nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, mo di lox avukat; nedi levenbaalung i repe, ding tonga manga; la nedi diga met pam, mo di roo xat amlong; la Lagale Lavavang mo a vavang min ti limixin banbalo.

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

Ibru 7:25

Kuren la neni i epovo na lox arooro rinotno nedi di vosiga ne Moroa, mo do dina nuunu sogo at ne Iesu; mila ne Iesu naba nemen amisik saparap ne Moroa la na ngising i xusu na lok tooro di.