Sam 71:16 - Madak

¹⁶ Anabat pas keneng at lolos at Leeme Silok ne Moroa. Anaba paase asu kusuk mun mo luvukat taram to at lemeren limixin axap.

Sam 71:16 ပူးပေါင်းရင်းမြစ်များ

Pilipai 4:13

Nenia a epovo xusu ana lok levempanga axap mi lololos mun, ne Karisito im taba ia min.

Pilipai 3:9

la anat kis esogo min. Nenia a goxo lok ka lomokmokso at lemeren ne Moroa mumu i do agang tonga res at Lenavolo. Kopmen. Nenia na a nemen mokmokso at lemeren ne Moroa mumu lunuunu rak keneng at ne Karisito. La ne Moroa axa ga lok li ia xusu ana sepmus basinge loklok kakapmek.

Sam 51:14

O Moroa, una lok tooro ia xusu nia a noxo met la una lox asepsu ia basinge laniu; la nia anaba tong asu ba loklok manmanton taram mi lomomo.

2 Tesalonia 1:6

Moroa ik mokso aleng la neni ba vorang levesongsongot atnedi dim taba nimi min.

Epesas 6:10

Ti lox axap na lovoang. Mina lox alolos lorooro atnimi keneng at Leeme Silok la mina lok kaka lololos teren i silok pologat.

Epesas 3:16

Nenia a sing ne Moroa do maxeneng at langsangan lapnovos teren, neni naba lox alolos lorooro axap atnimi mi lololos boro at Loroonan Kaala.

Sam 71:24

At levenaleng axap anaba paase asu loklok manmanton taram, atla ugara sev asi vam nedi ua diga vara i do dina lok kapmex ia; uga sak tup midi la nanga dira baava.

Sam 71:15

Anaba tonga asu luvukat taram. La at levenaleng axap, anaba paase mumu loklox arooro ram, la keke i do axoklen ausuv i.

2 Timoti 2:1

Timoti, nenu lamdak tarak. Nia a tong i na ru do una lolos at letaba nabalamu nedik tan tuuna ka i at ne Iesu Karisito.

Lovoang At Ne Pol Ti Limixin Nunu to Rom 10:3

Nedi di goxoklen langas ti lomokmokso ne Moroa ga lox i rik lox asepmus di basinge laxakapmek, ketla diga puse ngas axa at levendoxoma atnedi; kuren la di goxo raba axa di ri ne Moroa la langas ne Moroa ga lox i rik lox akmokso limixin.

Lovoang At Ne Pol Ti Limixin Nunu to Rom 3:21

Ketla amo nga, langas ti lok limixin ngan limixin mokmokso at lemeren ne Moroa ira ravasu vam, la kopmen tekot at Lenavolo nak lok teren. Lenavolo eburu mi levelinga at lavaeme vapaase alii di su auru i na.

Lovoang At Ne Pol Ti Limixin Nunu to Rom 1:17

atla Lagale Lavavang i lox asuusu i do ne Moroa ik lox akmokso limixin mi legesa ngas mene nga, neni lunuunu la kopmen tangas petpes bok ba, kerekngan Lovoang Kaala i tong i xeretna, “Laradi ip sep sogo at ne Moroa mi lunuunu ren, ni naba roo suu.” Abk 2:4

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Sam 106:2

Kopmen tara i epovo na tong axap leven angsangan lempanga silok neni gara lok pam i. Kopmen tara i epovo xusu naba lox epovo lodoxoma ren mi leemi asu rin.

Sam 71:19

O Moroa. Lempanga axap at na lavatbung menemen kopok la lempanga axap toxun pana at laxalibet, ik lox asuusu loklok taram in manton tino. Ugara lok pam levempanga silok; kuren la kopmen teta go na lok ngan u.

Sam 71:2

Nenu laradi mokmokso, kuren la una lok tooro ia la una lox asu ia at na lumumuat. Una ronga ia la una lox asepsu ia basinge di!

Sam 29:11

Leeme Silok im taba lolos limixin teren la ik lox anarong nedi mi limila.