7 Lixitkis amgomgo ren naba nemen amisik mi lolos teren, la ni i reven tatao levenep silok. La nemen uta ke xepe limixin tongtonga xepe dina lox asilok di mavana ren.
Leeme Silok, mo it kis at loogu laplavang kaala ren; lixitkis orong teren ik lok toxun pana at lebelen laxalibet. I reven tatao limixin axap at lavatbung menemen la ikleklen axap levempanga dik lox i.
Leeme Silok, nemen gat utam taba nedi limixin kapmek mi mo lempanga ua nedi di vavara rin; la nemen uta ke avolo mo leven doxoma nemnem atnedi xusu na soorun.
Lixitkis amgomgo ram naba nemen lexen, la kopmen tekavaxap at lixitkis orong taram. Leeme Silok ik lok asoorun amisik leveng kakaape ren; la ik lox asuusu lebelemumu ren keneng at leven gugu axap teren.