Sam 63:3 - Madak

³ Labalamu lexen taram i lox avukat ti lorooro rak, kuren la anaba emi asu minu.

Sam 63:3 ပူးပေါင်းရင်းမြစ်များ

Sam 21:6

Um taba amisix i mi leveloklok anarong, la ik lok momo atla ut kis esogo amisik min.

Sam 30:12

Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.

Sam 30:5

Lumukmusak teren kopmen nak lox abao, ketla loklok nunuan teren i nemen at levenaleng axap at lorooro rak. Kuren la levengkamkabili dan ba sesen su at luxatli rak at laxanimin, ketla lomomo naba ravasu maxantamak suubu.

Sam 4:6

Buaang nedi di ngising keretna: “O Leeme Silok, una raba nema mi laxaloklok anarong solo. Una lox asuusu amisik lebelemulus tinama.

Sam 42:2

Nu ne Moroa Luntoo, labalak i ngaongao amisik tu. Ningisa ba, uba siam ka ia xusu anat pas uto at loogu ram la ana lotu saparav u ro melamgo ram?

Sam 51:15

Leeme Silok, una lok tooro ia ri paase asu levelinga ram, la nia anaba emi asu minu.

Sam 66:17

Agang teng tin ti loklok tooro; nia agak pixan emi asu min.

Sam 68:25

Nedi dik pixan, dit pas to melamgo; nedi dik sak gita, dit pas to melemu; la laxaalik dit pas to xantubu, dik sak leven tambarin.

Sam 69:16

Leeme Silok, una ronga res tarak mi luvukat at labalamu lexen taram; una repukus mu ia mi lebelemulus silok taram!

Sam 96:6

Lisisinang mi laasen silok duk lok kangkan i; lolos eburu mi lempanga maraanu du umsu xeneng at loogu laplavang teren.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 6:19

A paase poovo mi lavaanat saxaruki la luvuttadi amgomgo atdi kusu minaba ronga xibis kaka na levelinga mila lunuunu atnemi kopmen na lolos. Gano nemi miga raba lorooro axap atnemi ri lugugu ngan lavaanat saxaruki at laxakapmek la laxangkakapmek solo. Kuren pam, la mina raba bok lorooro axap atnemi ngan lavaanat saxaruki ri lok leveloklok mokmokso la leveloklok i xaala.

1 Korin 6:20

Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

Pilipai 1:23

Lodoxoma rak i ekarakat ti legepu nep. A vara aleng i do ana on basinge na lorooro la ana nemen buru mi ne Karisito, no mi lox avukat tinotno.

Ibru 13:15

Iesu ga uu ngan laxaavuk tidik, kuren la ata emi asu amisik mi ne Moroa, i lok ngan laplavang atdik tin la i lok ngan bok livipisik atnedi di nuunu at laasen teren.

1 Jon 3:2

Larapen tangas orong tarak. Mo nga nedik luvutnitna ne Moroa, ketla kovisi bok ata xasep do nedik taba lok tinotno xereva. Ketla nedik takleklen i do at laaleng ne Iesu na ru asuvos, nedik taba lok ngan i mila ataba epen etang tinotno ba min.