Sam 63:1 - Madak

¹ O Moroa, nenu ne Moroa rak. Labalak i ngaongao ru. Lorooro axap tarak i vavara ru, ngan laxangka i vat dexes, la i soso vavagam ngan lasa mes. Lorooro rak ik minu ru.

Sam 63:1 ပူးပေါင်းရင်းမြစ်များ

Sam 118:28

Nenu mun ne Moroa rak, la a tong aorong tu; la a xip aurut laasen taram mumu lolos silok taram.

Sam 119:81

O Leeme Silok, lengkot tarak ira meleexot axap la a ngangais tu xusu una lox aroo ia. Nia a nuunu saga at levelinga ram.

Sam 143:10

Nenu ne Moroa rak; una lox ase ia mi langas ti mumu asu lavavara ram. Unak lok luvukat tia, la una sasat ia pana at langas manmanton.

Sam 143:6

A song aurut mi lukngak tu keneng at lisingising tarak; la labalak ik minu ru ngan ta loxongkangka vatmang.

Sam 31:14

O Leeme Silok, lunuunu rak i tu mun taram; la nenu ne Moroa rak.

Sam 42:11

Tila nia ak bulu amisik? Tila nia am doma saasa? Nia anam doma ngangais ti ne Moroa, kusu anaba emi asu amu bok min, ni Laradi Loklok Arooro rak la ne Moroa rak.

Sam 5:3

ung tonga laxaka rak maxantamak suubu. At laxangking i so su, a tong asu levesingising tarak, la at kis ngangais ti lovoporang taram tia.

Sam 78:34

At lengkonaleng neni gap sev amet lentaba atnedi, nedi mo lentaba diga ba tepukus taba i; diga ngaleng la diga ngising tin mi lorooro axap atnedi.

Sam 84:2

A vavara aleng i xusu ana nemen go! Am doma onon amisik uto at loogu laplavang at Leeme Silok. La anabak pixan momo mi lorooro axap tarak ti ne Moroa ni Luntoo Avolo.

Sam 91:2

di epovo xusu dina tong i rin keretna, “Nenu lentupe atnema la Lurutu See Pe atnema. Nenu ne Moroa atnema; la ma nuunu saga ram.”

Metiu 12:43

La ne Iesu ga lok bok, “Do lagas kapmek na oo su basinge laradi, bat pas saasaa at lengkot kopmen tadan teren, la ba reven ti toxot kusu rin ti lok mamana. Mo do noxo vuse ka toxot,

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lagale Lavavang At Ne Iesu Karisito Jon Ga Malagan I 7:37

At laaleng kavaxap ap mo leluxa ni laaleng silok. At mo laaleng, ne Iesu ga ru upana la ga xup lolos keretna, “Do tara go i minu, neni na vosiga ia la na inin.