Sam 61:4 - Madak

⁴ Una ke avolo ia kusu ana nemen amisik to at loogu kaala ram at lorooro axap tarak. Una kubak pe ia maxopok at luvapa ram, kusu ana nemen matmatkun.

Sam 61:4 ပူးပေါင်းရင်းမြစ်များ

Sam 15:1

Leeme Silok, nege i epovo na vubeles at loogu xaala ram? Nege i epovo na nemen eburu minu ro Saion at lakaana xaala ram?

Sam 17:8

Una lok tatao ia ngan uk lok tatao luxatli ram; una lipe ia at lamamau at luvapa ram,

Sam 23:6

Aklen i do loklok nunuan mi labalamu ram naba kuxun amisik keneng at lorooro axap tarak, la loogu ram naba lok ngan loogu aulis tarak at levenaleng axap nia anaba rooro ren.

Sam 27:4

Nia ara sing pam Leeme Silok mi legesa vanga; legesa vanga mene nia a vara rin, do at lorooro axap tarak ana nemen ia ro xeneng at loogu ren, la anaba reven solo loklok nunuan teren la nia anaba ngising i kusu nam lam lorooro rak.

Sam 57:1

O Moroa, una belemumu ia. Una lox asuusu lebelemumu ria, atla nia a vot pasa u xusu una kubak pe ia. Una kox avukar ia maxopok at lamamau at luvapa ram. Una lok ngan lavatban tia, se at nom laaleng na levenmumuat axap na on basinge ia.

Sam 61:7

O Moroa, lixitkis amgomgo ren na nemen amisik at laxasep taram; una lox aumsu i mi labalamu lexen la luruturun taram.

Sam 62:7

Nia a nuunu saga mun at ne Moroa, atla ik lox asepsu ia la i lox asilox ia; neni i ruuna lolos ngan Lurutu See Pe rak; neni i lok ngan Loogu Matmatkun i kubak pe ia.

Sam 63:7

atla nenu uga lok tooro amisix ia, kuren la nia ak pixan mi lomomo ro maxopok at luvapa ram.

Sam 90:1

O Leeme Silok, nenu ugak lok ngan amisik loogu aulis atnema lavaola axap.

Sam 91:1

Nege di do dit kis sogo at Leeme Silok, dik lox asepsu at levenaniu, la nedi do dik lok maxopok at loklox aratao at Lanaraavuk,

Sam 91:4

Neni naba kok nimi mi luvapa ren; la minabak lox avukat keneng at loklok tatao ren; luruturun teren naba lok tatao la na tu banpe nimi.

Sam 92:13

Di lok ngan larauna i suusu ro xeneng at loogu at Leeme Silok, i suusu dangdangun to xeneng at loogu laplavang at ne Moroa atnedik,

Metiu 23:37

La ne Iesu ga bulu aleng la ga lok, “Nemi limixin me Jerusalem. Lavalabat atnimi digap sev amet lavaeme vapaase alii at ne Moroa la diga lu amet nedi ne Moroa ga riki di. Buaang levenaleng a lok do ana kok nimi mi lukngak, i ngan lavatpalak kaxak i kok laxan natnat kaxak teren, ketla mixo siam ka ia.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.

Lisilimet 3:12

Do tara na tu lolos, aba lox i ngan luxus una at loogu laplavang at ne Moroa rak, la ixo epovo rinotno do neni naba vas su basinge i. Aba malagan li laasen at ne Moroa rak teren la laasen orong bok at lemenemen silok at ne Moroa rak. Mo lemenemen silok, ni Jerusalem maxat mo naba ravasi boro vana at laxalibet basinge ne Moroa rak. La aba malagan bok laasen maxat tarak go ren.