Sam 59:16 - Madak

¹⁶ Ketla nia anaba vixan loxompixan i tong asu lolos taram; amisik at leven maxantamak suubu anabak pixan asu labalamu lexen taram. Nenu u lok ngan loxot loklok alipe rak, la u kua pe ia at levenaleng mo do nia a ekip tangarang mi levenmumuat.

Sam 59:16 ပူးပေါင်းရင်းမြစ်များ

Sam 101:1

O Leeme Silok. Loxompixan tarak i paase mumu loxokok la levelinga mokmokso ram la ana vixan i ru.

Sam 106:8

Ketla neni ga lox epovo laxakaape rentidi la ga lox arooro avolo di go, la kerepmo ni ga lox asuusu mo langsangan lolos teren.

Sam 138:7

At levenaleng levenmumuat i tu kangkan ia, nenu uk lok tatao ia. Nenu up sep tangarang lavamunepen belemamao rak, la uk lox asepsu ia mi lolos taram.

Sam 143:8

Unak lox adoxoma ia at leven maxantamak axap mi mo labalamu lexen taram, atla lunuunu rak i tu saga ram. Leve singising tarak i uturut upana ru, kusu una lox ase ia mi langas nia anaba mumu asu i.

Sam 145:11

Dinaba paase mumu lisisinang la lolos at lixitkis orong taram, la dina tong axasep limixin mi lolos taram,

Sam 21:13

Leeme Silok, ma emi asu minu, ti mo langsangan lolos taram! Manabak pixan la mana emi asu mi leveloklok taram i lolos aleng.

Sam 30:5

Lumukmusak teren kopmen nak lox abao, ketla loklok nunuan teren i nemen at levenaleng axap at lorooro rak. Kuren la levengkamkabili dan ba sesen su at luxatli rak at laxanimin, ketla lomomo naba ravasu maxantamak suubu.

Sam 31:7

Anaba momo la ana sosoro mumu nom labalamu lexen taram. Ura ven pam laxasongsongot nia a ruuna i; la uklen bok levenmumuat tarak.

Sam 36:5

O Leeme Silok, labalamu lexen taram i silok aleng tinotno la i urut se rovana se rovana at laxalibet. La uk lox epovo amisik levengkakaape ram nade xopok la i se tu at lamavangkap.

Sam 4:1

O Moroa, nenu lentupe rak! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Mo nga una lox asuusu lebelemumu ram tia la una ronga lising tarak.

Sam 46:1

Moroa ni loogu matmatkun atnedik la lolos atnedik; i gagas amisik tik lok tooro dik at levenaleng nedik ta ekip tangaarang mi levenmumuat.

Sam 5:3

ung tonga laxaka rak maxantamak suubu. At laxangking i so su, a tong asu levesingising tarak, la at kis ngangais ti lovoporang taram tia.

Sam 77:2

Angising ti Leeme Silok keneng at levenaleng at levenmumuat; la at levenaleng kanimin axap, angosong aurut mi lukngak keneng at levesingising tarak, ketla lodoxoma rak kopmen nat kis bus.

Sam 86:13

Labalamu lexen taram tia i silok aleng! Ugara lox asepsu vam ia basinge lamaut.

Sam 88:13

Leeme Silok, a toro ru xusu una lok tooro ia; a ngising amisik tu at levenmaxantamak, kusu una lox asepsu ia basinge lanmet.

Sam 89:1

O Leeme Silok, anabak pixan amisik mumu mo labalamu lexen taram; anaba paase asu i do nenu uk lox epovo amisik levelinga ram.

Lovoang At Ne Pol Ti Limixin Nunu to Rom 15:9

la ti lox avolo limixin kopmen nedi me Judaia xusu dina epovo ri emi asu mi laasen at ne Moroa mumu lebelemumu ren. I ngan Lovoang Kaala i vaase i xeretna, “Ni lavasuun teren la anaba tong loklox avukat tu xantubu at limixin kopmen di me Judaia, la anak pixan ti emi asu mi laasen taram.” Sam 18:49

2 Korin 1:10

Neni ga ranga asepsu nama basinge mo langas ti lanmet la neni nabak lox amisik box i. La ma lok li lodoxoma voovo mavana ren do neni mo nabang tanga axatu bok nama at levenmumuat i nemen tangais nama at na levenaleng i tu umelamgo atnama.

Epesas 3:20

Ata emi asu mi ne Moroa, i epovo na lok laxampanga solo, mo i volo axap mo lempanga nedik di ngising tin la di doxoma i, la mo levempanga i ravasu at lololos teren, mo i gugu xeneng at lorooro atdik.

Ibru 5:7

Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.