Sam 58:11 - Madak

¹¹ La melemu limixin dinaba tong i do, “I ruturun do limixin mokmokso dik lok kaka luunun boro at ne Moroa; la i ruturun tinotno do ne Moroa mo i nemen la i viila mumu loklok at limixin at na lavatbung menemen.

Sam 58:11 ပူးပေါင်းရင်းမြစ်များ

Sam 107:42

Do limixin mokmokso dina ven i na, dina momo, ketla nedi limixin kapmek dinaba vamus levenngusno atdi.

Sam 18:20

Leeme Silok im taba ia mi luunun atla nia laradi mokmokso la ni ik lox anarong ia atla nia laradi sepsen.

Sam 33:18

Ketla Leeme Silok i reven tatao nedi dik lok ngangao aleng teren, la nedi di nuunu saga at labalamu lexen teren.

Sam 52:8

Ketla nenia a lok ngan luuna Olip i susu avukat to xeneng at loogu at ne Moroa; nia a nuunu saga at labalamu lexen teren naba nemen amisik la noxo xap.

Sam 64:9

La nedi axap dinaba marat, atla dinaba domasu at levempanga ne Moroa ga lox i, la dinaba tong asu mo leveloklok aleeng teren.

Sam 67:4

Naba lox avukat do limixin at levenep silok axap dina sosoro la dinak pixan mi lomomo, atla nu u viila mumu loklok at limixin mi lodoxoma mokmokso la levelinga ruturun, la um gomgonga limixin at levenep silok at lavatbung menemen.

Sam 68:24

O Moroa, limixin axap di reven u, ut pas to melamgo at limixin taram melemu at loxonaleng u sak tup mi limixin munepen taram ap mo leesep. O Moroa, nenu Loorong Silok ut pas beles uto xeneng at loogu xaala ram.

Sam 9:16

Leeme Silok ira lox asuvos pam i keneng at lorongtonga linga at langas ik mokso, la limixin kakapmek dinaba tu at lavapaase mumu leveloklok atnedi.

Sam 9:8

Ni im gomgonga lavatbung menemen mi lavapaase mokmokso, la mi lodoxoma mokmokso i viila mumu loklok at limixin boro at larabung mixin.

Sam 92:15

Ana i, i lox asuusu i do Leeme Silok neni i ruturun, la kopmen tesoogong keneng at Lurutu See Pe rak.

Sam 94:2

Nenu laradi ila mumu lorooro at limixin axap; una xatu kaxat la una raba nedi luvuttadi loklox aaso mi luunun ti laxakapmek atdi!

Sam 96:13

at loxonaleng Leeme Silok na vot kusu rim gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Sam 98:9

atla i vot kusu nam gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Lovoang At Ne Pol Ti Limixin Nunu to Rom 2:5

Ketla levendoxoma atnemi i rebonot la mi xopara na leeng; kuren la mi lox asilok nom loklox asongot tinemi ap mo laaleng ne Moroa naba ila mumu loklok at limixin la na lox asu lebelemamao ren ti lasaxaven.