Sam 56:4 - Madak

⁴ Nia a nuunu saga at ne Moroa la axok marat. Nia a emi asu min atla ni naba lok epovo mo levempanga ni ga xaape min. Ixo epovo rinotno xusu limixin mun diba lok tavanga xapmek tia.

Sam 56:4 ပူးပေါင်းရင်းမြစ်များ

Sam 118:6

Leeme Silok ik lok eburu minia, la nia xopmen a noxo marat at lempanga limixin kapmek diba lox i ria.

Sam 119:160

Levelinga axap taram i ruturun la nom axap leventaangas taram ik mokso la naba nemen amisik.

Sam 12:6

I epovo rinotno do ata nuunu at levengkakaape at Leeme Silok atla levengkakaape ren i lok ngan loxon siliva uat gamgames din tin i at laxao bokbolot ise at lavanuti rintin axap la i nunuan axap.

Sam 138:2

A ru gili ri loogu laplavang kaala ram a rikbu la a emi asu mi laasen taram mumu labalamu lexen la loklok tuturun taram tinama. La a emi asu minu atla uga lox asuusu i do laasen taram i silok pologat la Lenavolo ram i silok aleng la duk lok mavana at lempanga axap at na lavatbung menemen.

Sam 27:1

Leeme Silok ni laxasep la Lanatoo rak. Nia anoxo marat tangarang ka teta. Leeme Silok neni loogu matmatkun tarak ti pe levenaniu. Kuren la nia noxo marat bok ba.

Lagale Lavavang At Ne Iesu Karisito Jon Ga Malagan I 10:35

Ataklen i do levelinga at Lenavolo i ruturun tinotno; la ne Moroa ga tong di do levenmoroa, ti mo luvuttadi levelinga ren ga vot tidi.

Ibru 13:6

Kuren la i epovo do ata tong tuturun mo levelinga kerekngan Lovoang Kaala i tong i, “Moroa neni laradi loklok tooro rak, kuren la nenia anoxo marat mila ixo epovo do limixin dina lok kapmex ia.” Sam 118:6