Sam 51:17 - Madak

¹⁷ O Moroa, a lox akalik ia la a nemen maxopok taram; nom i ni laramtaba rak tu. Nia aklen i do, nenu uxo epovo una sok sisixe laradi i lox akalix i maxopok taram la i ven kibis libilinga ren.

Sam 51:17 ပူးပေါင်းရင်းမြစ်များ

Sam 102:17

Neni naba ronga nedi limixin teren di baava, la ni naba lox epovo levesingising atnedi.

Sam 107:22

I epovo do dina tong avukat ti Leeme Silok la dina raba i mi leventamtaba eburu mi livikpixan ti emi asu, kusu ri tong asu mo lempanga neni ga lok pam i.

Sam 147:3

Neni ga (ik) lox aroo nedi ua lempeeve atnedi ga te povorok la ga koxo pe levennin kooxing atdi.

Sam 22:24

Leeme Silok ixo raba sinta limixin baava dip kip levesongsongot. La ixo raba arulu bok di, ketla ing tonga di do di toro ri loklok tooro.

Sam 34:18

Leeme Silok i gagas amisik ti lok tooro nedi dik lok tuntun, la i lox asepsu nedi di baava la di doma i do diba met.

Metiu 5:3

Iesu ga lok keretna, “Luvukat mo ik lok tinedi dikleklen i do labaroonan atdi ik pakes ti ne Moroa, mila limixin erepmo dinaba vubeles at Linintoo no vana at laxalibet.

Lagale Lavavang At Ne Iesu Karisito Mak Ga Malagan I 12:33

La i ruturun bok do na levelinga i silok; mina balamu ne Moroa mi lebelen nimi axap, mi levendoxoma atnimi axap, mi levelolos atnimi axap la mina balamu limixin di nemen saparap nimi ngan mi balamu nemi. Na loklok i silok ti mo loklok tim taba ne Moroa mi leventamtaba la levempanga laplavang.”

Lagale Lavavang At Ne Iesu Karisito Luk Ga Malagan i 15:10

A tong i rinimi do, kerepmo lubung angelo at ne Moroa diba momo aleng do tegesaradi xapmek neni i leeng basinge laxakapmek teren.”

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Pilipai 4:18

Nia ara lok ka vam leventamtaba atnimi, no ne Epaprodaitas gap kiv i ria ude boro atnimi, la i volo mo levempanga agak pakes tin. Na leventamtaba i lok ngan leventamtaba somavak limixin di xotos i ri ne Moroa, la ni i sisiam kaka i la i sosoro rin.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

1 Pita 2:5

Nemi bok mira lok ngan pam larauat too rip kip gu, la ne Moroa xa i xip loogu laplavang minemi, kusu nemi minaba gugu ngan lavamaasa at ne Moroa; la minam taba i mi leventamtaba at loroonan mo ne Moroa naba siam kaka i xeneng at ne Iesu Karisito.