Sam 51:1 - Madak

¹ O Moroa, una lox asuusu lebelemulus taram tia, mumu nom labalamu lexen taram; una ves kepe leveloklok kakapmek tarak atla nenu u umsu mi langsangan lebelemulus.

Sam 51:1 ပူးပေါင်းရင်းမြစ်များ

Sam 106:45

Mumu mo lumumuat atdi, neni ga doma mo lekabus teren; la mumu langsangan labalamu ren. neni ga lox ekun lodoxoma ren.

Sam 106:7

Lavalabat atnama di goxo xasep nunuan at lempanga sangsangu neni ga lox i ro Isip. Diga domampe mo levenaleng buaang neni ga lox asuusu labalamu ren tidi. La digang tonga viribang tin, ne Lanaraavuk to at Loxontas Memele

Sam 109:21

Ketla nenu Leeme Silok la Loorong Avolo. Una lok tooro ia kerekngan uga xaape min, la una lox asu ka ia basinge di mumu labalamu nunuan taram.

Sam 119:124

Una reven tatao ia, laradi gugu ram, kusu naba epovo rinotno mi labalamu lexen taram, la una anasa ia mi leventetere avolo ram.

Sam 145:9

Neni i vukat ti limixin axap la i ruuna lebelemulus tinedi limixin axap ni ga rudum di.

Sam 4:1

O Moroa, nenu lentupe rak! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Mo nga una lox asuusu lebelemumu ram tia la una ronga lising tarak.

Sam 40:11

Leeme Silok, nia aklen i do lebelemumu ram tia noxo xap. Labalamu mi loklok tatao tuturun taram naba kok avukat amisix ia.

Sam 5:7

Ketla mumu mene labalamu silok taram, u ke avolo ia xusu ana vubeles at loogu laplavang taram i xaala; la ana lotu saparav u go, la ana xis tintiding saparav u mi loklok ngangao.

Sam 51:9

Una vampe luxatli ram kusu unoxo ven libilinga rak, la una ves kepe axap laxakapmek tarak.

Sam 69:13

Ketla nenia, Leeme Silok, anaba ngising parav u; Moroa, unaba ronga ia at loxonaleng axa nenu una soxolik ka i. Una vaase porang ia atla labalamu lexen taram i silok aleng la unaba lox epovo laxakaape ram tik lox asepsu limixin taram.

Sam 69:16

Leeme Silok, una ronga res tarak mi luvukat at labalamu lexen taram; una repukus mu ia mi lebelemulus silok taram!

Sam 77:9

Kereva, Moroa ira domampe vam i xusu neni na belemumu limixin teren? Kopla lebelemamao ren na ira soxun asu vam lebelemumu ren?”

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

Kolosi 2:14

Neni ga lok kepe vam mo lovoang lolos eburu mi leventaangas linga ren mo ga paase axasep laxakapmek atdik; mo lovoang ga lok ngan lavanga loklok pe kantubu atnedik mi ne Moroa. Moroa ga lok kepe i at loxonaleng ne Iesu ga uu ro vana at laxaba.