Sam 50:15 - Madak

¹⁵ Naba lox avukat do mina ro ke rak mo do mina ekip tangarang mi levenmumuat, la anaba lox asepsu nemi, la minaba emi asu minia.”

Sam 50:15 ပူးပေါင်းရင်းမြစ်များ

Sam 107:19

Melemu diga reng ti Leeme Silok mumu levenmumuat digap kiv i, la neni ga lox asepmus di basinge mo levenaknixip.

Sam 107:28

Melemu diga ro ke at Leeme Silok mumu mo levenmumuat atdi, la neni ga lox asu nedi basinge mo laniu.

Sam 120:1

Aga ngising ti Leeme Silok keneng at levenmumuat tarak, la neni ga lok tooro ia.

Sam 22:23

Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Minak lok ngangao ren la mina lotu saparap amisix i!

Sam 34:5

Limixin di ruuna laxanmumuat dinaba ven tu ren la dinabak lek; la di noxo doma abulubun.

Sam 34:7

Laangelo at leeme Silok ik lok tatao nedi dik lok ngangao aleng teren, la ik lox asepsu nedi basinge levenaniu.

Sam 4:2

Lingisa ba nemi limixin kapmek miba xap ti paase aksaksa ria? Lingisa ba uba xap ti vavara solo ri levempanga xopmen turuturun teren, la ti mumu asu levempanga xaxarang?

Sam 50:23

Loklok ti tong avukat, ni lagale laramtaba ip kip aurut laasen tarak, la nia anaba lox asepsu rinotno nedi di ronga res tarak.”

Sam 77:2

Angising ti Leeme Silok keneng at levenaleng at levenmumuat; la at levenaleng kanimin axap, angosong aurut mi lukngak keneng at levesingising tarak, ketla lodoxoma rak kopmen nat kis bus.

Sam 77:3

At lengkonaleng amdoma mumu ne Moroa, lamamas tarak ixot lottu saga la arat mas gaaga. La mo do anam doma mumu levelinga ren, arak lox abulubun bok tarak.

Sam 81:7

At levenaleng migak lok keneng at levenmumuat to Isip, miga toro ria, la nia aga lox asepsu nemi. Aga lox epovo leventotoro atnemi at loxonaleng agak lok to xeneng at loxot alipe rak no xeneng at lamanman takabu. Aga lok tong pen nemi ro at levem puuvut dan to Meriba.

Sam 86:5

Uk lok luvukat tinema la um doxoma xepe laxapmek atnema, la u umsu mi labalamu lexen tinedi axap no di ngising parav u.

Sam 86:7

A toro ru xeneng at levenaleng at levenmumuat, atla up sep siam at levesingising tarak.

Sam 91:15

At loxonaleng dina ngising tia, anaba ronga res atnedi. Do dina ekip tangarang mi levenmumuat, anbak lok eburu midi kusu ri lok tooro di; anaba lox asepmus nedi basinge mo levenmumuatla ana xip aurut levenasen atdi.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Lagale Lavavang At Ne Iesu Karisito Luk Ga Malagan i 22:44

La neni ga bulu aleng la ga sing lolos tinotno, la lantentelep teren ga sen su ukopok ti laxangka ga ngan lempatkaarum da.]

Lagale Lavavang At Ne Iesu Karisito Jon Ga Malagan I 15:8

Do mina visik aleng, miba lox asuusu ba i do nemi luvuttadi loklok ka anasa rak, la miba lox asilok laasen at ne Tamak.

Leven Gugu 16:25

At laxanimin tubu Pol mi ne Sailas duga lok lising la dugak pixan momo saparap ne Moroa, la lentaba luvuttadi bok mo diga xoxo nedi, digang tonga du.

Jems 5:13

Kereva, tara go atnimi ip kip tevenmumuat? Neni nak lok lising. Tara bok go i lok momo? Neni nak pixan emi asu.

1 Pita 4:11

I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.

1 Pita 4:14

La do limixin di paase aksaksa rinimi mumu laasen at ne Karisito, luvukat nabat pas tinemi. Lavasuun at na keretna, mo loroonan i lox asuusu lisisixam, ni Loroonan at ne Moroa la ik lok keneng atnemi.