Sam 50:14 - Madak

¹⁴ Loklok ti tong avukat, ni lagale laramtaba atnemi ria, ne Moroa; la mina raba nenia Lanaraavuk mi levempanga migara xaape vam i.

Sam 50:14 ပူးပေါင်းရင်းမြစ်များ

Sam 147:1

Leemi asu ri Leeme Silok! I lox avukat kusu atak pixan emi asu ri ne Moroa atnedik; ik mokso rinotno la ik lox asuusu lomomo tinedi dina emi asu mi Leeme Silok.

Sam 22:25

Anaba emi asu mi laasen taram to at lovotpot buru silok, ti levempanga ugara lok pam i. Anaba tu ro melamgo atnedi di lotu saparav u la anabaplavang tu mi levempanga nia aga xaape min.

Sam 22:26

Limixin banbalo dinaba an mais at leveluxa di vavara rin. Nedi di repukus taba Leeme Silok, dinaba emi asu min. A sing ne Moroa na lox anarong di xusu dina ngasang kobot amisik at levempanga axap!

Sam 27:6

La kerepmo anaba sak tup mi limixin munepen minia do dina ru xangkan ia. Anabaplavang saparav Leeme Silok mi luxupkup momo ro xeneng at loogu laplavang teren. Anabak pixan, la ana emi asu min.

Sam 50:23

Loklok ti tong avukat, ni lagale laramtaba ip kip aurut laasen tarak, la nia anaba lox asepsu rinotno nedi di ronga res tarak.”

Sam 56:12

O Moroa, nia anabam taba u mi levempanga aga xaape min tu; nia anaba raba u mi laramtaba ti lox asuusu lorotong avukat tu,

Sam 61:8

Kuren la anabak pixan emi asu amisik tu, do at levenaleng getgesera anam taba u mi leventamtaba nia aga xaape min.

Sam 65:1

O Moroa, ik mokso xusu mana emi asu minu ro Saion, la mana doma xatling levengkakaape atnema ru,

Sam 69:32

At loxonaleng limixin baava dina ven i na, dinabak lek aleng; la nedi di ngising parap ne Moroa, dinaba epang aru kantubu atnedi xa.

Sam 76:11

Nemi mina raba Leeme Silok, neni ne Moroa atnemi mi levempanga no migapliplis i min; nemi levenabung mixin petpes mik lok auret leme Israel, minaba taba i mi leventamtaba atnemi. Moroa ik lok limixin axap kusu dinak marat teren.

Sam 76:12

Neni ik lox asi laxamdak at lavaorong silok dit las di, la lebelemamao ren ik lox amarat aleng tinotno lavaorong.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

1 Tesalonia 5:18

Mina tong avukat ti ne Moroa at levempanga axap. At lorooro atnemi mi nuunu at ne Iesu Karisito, mina lok na levempanga mila ne Moroa i vara i.

Ibru 13:15

Iesu ga uu ngan laxaavuk tidik, kuren la ata emi asu amisik mi ne Moroa, i lok ngan laplavang atdik tin la i lok ngan bok livipisik atnedi di nuunu at laasen teren.

1 Pita 2:5

Nemi bok mira lok ngan pam larauat too rip kip gu, la ne Moroa xa i xip loogu laplavang minemi, kusu nemi minaba gugu ngan lavamaasa at ne Moroa; la minam taba i mi leventamtaba at loroonan mo ne Moroa naba siam kaka i xeneng at ne Iesu Karisito.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.