Sam 43:4 - Madak

⁴ Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

Sam 43:4 ပူးပေါင်းရင်းမြစ်များ

Sam 26:6

O Leeme Silok, na a gos lukngak ti lox asuusu i do nia laradi sepsen. La at pas emi asu kangkan loxonin laplavang taram.

Sam 33:2

Mina tong loklok avukat ti Leeme Silok mi leven gita. Mina vixan tin mi leventaaleng.

Sam 42:6

Lanbulu i suxuna ia nade at loxokoxo nade xeneng at lemenemen xadiong; kuren la lodoxoma rak i repukus tin. Im taba ia mi lanbulu silok ngan leretepit paxanao i tepit pava ia. Lentaba ik sak pava ia ngan ladanut, la ngan ladan i tem sobang su ro at ladan Joridan mo i sesen boro vana at lukaana Emon la Misar.

Sam 57:8

Lodoxoma rak, una xatu kaxat. Loxontaaleng tarak mi ligita, muna gagas. Nia anaba sak aus laxangking at labara koxot mi loxompixan.

Sam 57:9

O Leeme Silok, nia anaba tong loklok avukat tu ro melamgo at limixin at levenep silok. Nia anabak pixan emi asu minu ro melamgo at limixin axap.

Sam 63:2

A vara i do anaba ven u ro at loogu xaala, a vara i do ana ven lolos la lisisixam taram.

Sam 81:2

Mina vaxaru kaxat laxaka at livixan la minak sak leventabarin; minak sak lengkaka pixan avukat to at lempat taaleng mi lempat gita.

Lovoang At Ne Pol Ti Limixin Nunu to Rom 5:11

Ketla kopmen laxavaxap ta mo at na levelinga; nedik ata xip aurut laasen at ne Moroa mumu Leeme Silok atnedik ne Iesu Karisito atla neni ga lok lumulum tinedik eburu mi ne Moroa.

Lisilimet 5:8

Neni ga lok ka mo lugun linga, la nom lavanuet levempanga rooro eburu mi nom legepu sangaun mi lavanuet loxongkulao amgomgo diga xis tiktikbu mi lempatgulom atdi ro melamgo at Lanasip. Nedi getgesara digam tebeng lengkon taaleng eburu mi leventingtigon gol mo ga umsu mi levempavaxan una so mavak. Ni ga ru katling levesingising atnedi limixin at ne Moroa.