Sam 40:2 - Madak

² Ni ga sar asu ka ia at lemeron kapmek, la ga sar asu xaka box ia at lububura. Ni ga vaxaru li avukar ia ro vana at luuat kis silok kusu anat pas avukat la anoxo marat at tempanga.

Sam 40:2 ပူးပေါင်းရင်းမြစ်များ

Sam 116:3

Loxoxo uu ga suxuna ia, la lainmarat at lamaut ga suxa aumsu ia, la lainbulu eburu mi lodoxoma saasaa ga suxuna axap lorooro rak.

Sam 119:133

Unam lam aratao ia at lavatpas tarak, kerekngan levelinga ram; nemen uta ke xepe libilinga nak sak tup minia.

Sam 143:3

Lavamunepen tarak digara vuse ka vam ia la dira sep kapmek tinotno ia. Dira lok li vam ia at loogu xokoxo i main bonot, la a lok ngan tino nga nedi ua diga met axa gano at lereot.

Sam 17:5

At pas amisik at langas taram, la kovisi nia ana vas aase ren.

Sam 18:36

Uga lok tatao avukar ia basinge di la di goxo xoxo ka ia. La nia goxo subu bok.

Sam 18:7

La ne Moroa ga musak di la ga lox angne lavatkangka la lempar abuxumkun at lempatkaana gang nengne.

Sam 27:5

At levenaleng kakapmek neni naba lox alipe ia ro xeneng at loogu ren. Neni naba xubak pe ia ro xeneng at loogu laplavang, la ni naba vaxaxis aurut ia uto vana at langsangan luuat kis silok kusu anaba nemen matmatkun teren.

Sam 37:23

Leeme Silok im gomgonga laradi at langas i lox avukat kusu ni nat pas teren. La ik lok tatao avukat nedi dik lox amomo i.

Sam 61:2

Nia a bulu aleng la ak lok to vaxalom basinge lemenemen tarak, la a ngising tu. Una lok kaka ia uto at loxot loklox alipe,

Sam 69:2

Nia na ara dong tup silatla nga at lapke, la kopmen toxongkangka lolos ti tu ren; nia nga na xeneng at ladan i si aleng, la larapaxanao i lok do nak mir axong ia.

Sam 71:20

Ugara li vam levenekarakat mi levesongsongot mavana rak, ketla unaba suxa kun ia mi lolos taram; unaba lox asepsu ia basinge lamaut.

Sam 86:13

Labalamu lexen taram tia i silok aleng! Ugara lox asepsu vam ia basinge lamaut.

Metiu 13:50

la diba lu midi ro at lemenemen songsongot. Mo go dibang teng la dina rungur ivivilis.”

Leven Gugu 2:24

Ketla ne Moroa ga lox arooro amlong i basinge lololos at lanmet mila kopmen goxo epovo kusu lanmet na ranga alis i.