Sam 37:34 - Madak

³⁴ Mina doma lolos ngangais ti Leeme Silok la minang tonga res at levelinga ren. Dola mina lox i xuren, ni naba lox anarong nimi mi laramtaba; neni lenep kangka aulis atnimi. La minaba ven limixin kakapmek, Leeme Silok naba saksu di basinge lenep kangka aulis atdi.

Sam 37:34 ပူးပေါင်းရင်းမြစ်များ

Sam 112:8

Leveeve ren ira xus pam, la neni kopmen na marat at tempanga, i nuunu do ne Moroa naba sak tup mi lavamunepen teren.

Sam 112:9

Neni im taba leventamtaba solo mi lebelemulus ti limixin banbalo; la amisik ik lox asuusu labalamu ren ti limixin; la naba ruuna laasen silok la limixin diba xip aurut laasen teren.

Sam 25:13

Limixin kerepmo dinaba ngasang kobot amisik la laxamdak mi laxaalik atnedi dinaba ruuna ka mo lenep kangka aulis atdi.

Sam 27:14

Kuren la minam doma ngangais ti Leeme Silok, la mina lolos, nemen gat mita doma abulubun kepe i, mina nuunu saga at Leeme Silok.

Sam 37:3

Ketla nemi mina nuunu saga at Leeme Silok la mina lok luvukat mun, kusu minaba nemen at lenep kangka aulis atnimi la minaba rooro avukat.

Sam 37:7

Mina mulus mun, la mina nemen tangais Leeme Silok na lok tooro nimi; nemen mita doma mu solo nedi di ngasang kobot, kopla nedi di lox asoorun leventaangas kakapmek atnedi diga vit li i.

Sam 37:9

Nedi di nuunu saga at Leeme Silok, dinaba ruuna ka lenep kangka aulis atdi, ketla Leeme Silok naba sak su limixin bilinga.

Sam 91:8

Minabak milik kaxat la mina reven ba i mo limixin kapmek dik lok ka levesongsongot kuren.

Sam 92:12

Limixin mokmokso dinaba suusu dangdangun ngan lempar iivin; dinaba suusu nunuan ngan levenuna keda (Cedar) boro Lebanon.

Metiu 24:13

ketla do tara na tu tuxuruxun at lunuunu ren se at laxavaxap ap mo levenmaares lolos, Moroa naba lox arooro i.

Lagale Lavavang At Ne Iesu Karisito Luk Ga Malagan i 14:11

Lavasuun at na lavapaase poovo i lok keretna; do nege i lox asilox i, ne Moroa ba lox alixilix i, la do nege i lox alixilix i, ne Moroa ba lox asilox i.”

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

1 Pita 5:6

Kuren la mina lox asi nimi maxopok at lukngen lolos at ne Moroa, kusu neni naba xip aurut nemi at laaleng ni ga lok katling i.