Sam 35:10 - Madak

¹⁰ Anaba tong i ri Leeme Silok mi lodoxoma axap tarak keretna, “Kopmen teta i lok ngan u. Uk lok tooro amisik limixin kopmen tololos atnedi basinge limixin lolos, la limixin banbalo basinge limixin loklok papavas.”

Sam 35:10 ပူးပေါင်းရင်းမြစ်များ

Sam 140:12

Leeme Silok, aklen i do nenu u tu see at limixin banbalo, la u tu ri luvukat atnedi dik pakes.

Sam 109:31

Mila Leeme Silok i gagas amisik ti lok tooro limixin pakpakes; la ik lox asepsu nedi basinge limixin sepsep amet.

Sam 86:8

O Leeme Silok, kopmen bok ba temoroa go i lok ngan u, la xopmen tino teta go ga lok tavanga silok ngan mo lempanga nenu ga lox i.

Sam 71:19

O Moroa. Lempanga axap at na lavatbung menemen kopok la lempanga axap toxun pana at laxalibet, ik lox asuusu loklok taram in manton tino. Ugara lok pam levempanga silok; kuren la kopmen teta go na lok ngan u.

Sam 51:8

Nia a vara i xusu ana ronga limixin dina lok momo mi leklek; keke i do ugara lox asi vam ia, la uga lox amenemen pam lodoxoma rak, nia anaba momo manga.

Sam 18:17

Ni ga lox asepsu ia basinge limixin lolos diga munepen minia, la basinge bok di, ding long antungun ia. Nedi diga lolos polo ia.

Sam 38:3

Nia a xip tutu mi langsangan losongsongot mumu lebelemamao ram tia; la labantuxu axap tarak iram suma lanmeres mumu libilinga rak.

Sam 34:20

Leeme Silok naba lok tatao axav i, la kopmen toxosi ren naba repit.

Sam 32:3

Ga ruka i nia goxo vaase asu laxakapmek tarak, agang teng amisik at levenaleng kangking la kanimin, kuren la labantuxu rak ira xat molos.

Sam 22:14

Lolos tarak ira xap pam, i xap ngan laxadan i soli su ri laxangka. Levennin etudum at levesi rak ira rem kida vam. Labalak i umsu mi lainmarat i silok aleng.

Sam 10:14

Ketla nenu, Leeme Silok, u ven lenget ka mo levenmumuat la levesongsongot dik lox i ri limixin baava, la u gagas amisik kusu una lok tooro di. Limixin pakpakes di vosiga u xusu una lok tooro di la uk lok tooro amisik di.

Sam 102:3

Lorooro rak na i sonao ngan lusuxa; la lanmet tarak i anan labantuxu rak ngan laxao.

Sam 69:33

Leeme Silok ing tonga res atnedi dik pakes la ixom domampe limixin teren dik lok at loxokoxo.

Sam 37:14

Limixin kakapmek di gagas li levenise esep atnedi mi levesoosoo, ti sev asi limixin banbalo eburu mi limixin dik pakes, ti sep amet nedi di lok leveloklok ik mokso,

Sam 34:6

Luvuttadi baava di toro ke ren, la ni ing tonga nedi, la ik lox asepmus di basinge laxanmumuat axap atnedi.

Sam 22:24

Leeme Silok ixo raba sinta limixin baava dip kip levesongsongot. La ixo raba arulu bok di, ketla ing tonga di do di toro ri loklok tooro.

Sam 51:10

O Moroa, una lox amaxat labalak, la una lox aumsu lorooro rak mi lodoxoma maxat mo ik mokso.

Sam 103:6

Leeme Silok i tu at lenep at limixin baava la ik lox asepmus nedi ua limixin di lox asi di.

Sam 140:13

I ruturun tinotno do limixin mokmokso dinaba emi asu minu, la dinaba nemen maxopok at loklok tatao ram.

Sam 146:7

Ing tonga linga avukat at lava baava, la im taba luxa nedi dik toxo. Leeme Silok ik lox asepmus luvuttadi xokoxo,