Sam 34:4 - Madak

⁴ Aga sing saparap Leeme Silok la ni ga ronga ia; ga lox asepmus ia basinge levenanmarat axap tarak.

Sam 34:4 ပူးပေါင်းရင်းမြစ်များ

Sam 18:6

At lumumuat keneng at lorooro rak, aga ro ke at Leeme Silok. Aga ro ke at ne Moroa rak ti loklok tooro ro xeneng at loogu laplavang teren la ni ga ronga laxaka rak; la ga ronga bok lerengteng tarak ti loklok tooro basinge lavamunepen tarak.

Sam 22:24

Leeme Silok ixo raba sinta limixin baava dip kip levesongsongot. La ixo raba arulu bok di, ketla ing tonga di do di toro ri loklok tooro.

Sam 31:22

Nia aga marat la nia aga nua i do ni ga lok kepe ia basinge loklok tatao ren. Ketla ni ga ronga lanteng tarak, at levenaleng nia aga sing i ri loklok tooro.

Sam 35:27

Naba lox auvkat do nedi nom di vara i do ana sepse, dinap kup momo atla nenia a sepmus pam. La dina tong amu amgo ba i do, “Leeme Silok i silok aleng. Neni ik lok momo mi lasaxaruki ren na nemen avukat.”

Sam 40:17

O Leeme Silok, labantuxu rak ira xat molos axap la arat kis banbalo nga, ketla kopmen una doxomampe ia. Nenu Lanatoo rak, la nenu ne Moroa rak, una lok tooro soso mun ia!

Sam 46:2

Kuren la dik ta noxo marat, keke i do lavatkangka axap nangne, la levem pattaavut na subu tup utou xopok at lebelen laras.

Sam 56:3

Nu Leeme Silok, nu Lanaraavuk. Do nia ana marat, nia anaba nuunu saga mun taram.

Metiu 7:7

La ne Iesu ga lok bok keretna, “Mina ngising, la miba ruuna xaka i; mina puse, la miba vuse xaka i; minap dipdi, la lumusaragu naba rem suang tinimi;

Lagale Lavavang At Ne Iesu Karisito Luk Ga Malagan i 11:9

Kuren la a tong i rinimi do, mina ngising, la miba ruuna xaka i; mina puse, la miba vuse xaka i; mina dipdi, la lumusaragu naba rem suang tinimi.

2 Timoti 1:7

Atla nom Loroonan ne Moroa ga raba dik min kopmen nak lox amarat dik, ketla Loroonan teren ik suxa aumsu dik mi lololos, labalamu la lodoxoma avukat.

Ibru 5:7

Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.