Sam 33:12 - Madak

¹² Nedi lubungmixin ne Moroa it kis ngan Leeme Silok atnedi, dina momo; atla Moroa ga soxolik ka di ngan teren axa, dina momo.

Sam 33:12 ပူးပေါင်းရင်းမြစ်များ

Sam 135:4

Neni ga soxolik kaka leme Jakop kusu tin; neni ga soxolik ka limixin me Israel kusu ateren akmokso.

Sam 144:15

La lomomo naba vot parap mo lubungmixin mo do na lempanga na ravasu ruturun tidi; la lomomo naba vot parap nedi ua Leeme Silok, neni ne Moroa atnedi!

Sam 28:9

Leeme Silok, una lox asepsu limixin taram, la una lox anarong nedi limixin mokmokso ram; una nemen ngan laradi loklok tatao sipsip tinedi, la mo loklok tatao ram noxo xap.

Sam 65:4

Nedi nom una soxolik ka di, dina momo; u lok kaka nedi xusu dina nemen to at loogu xaala ram. Manabat kis mimila at levempanga nunuan keneng at loogu ram eburu mi leveloklok anarong at loogu laplavang taram i xaala. Mo naba lok epovo lavavara atnema.

Lagale Lavavang At Ne Iesu Karisito Jon Ga Malagan I 15:16

Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Epesas 1:4

Ni ga soxolik ka nedik mumu ne Karisito, avot ti luruntudum li at lavatbung menemen, kusu dik tana dadat basinge laxakapmek la taba nunuan axap at lemeren. Neni i umsu mi labalamu la kerepmo,

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.