Sam 31:20 - Madak

²⁰ Uk lox alipe nedi maxopok at loklok tatao ram basinge lodoxoma alii at limixin kapmek la uk lox amaau di basinge levelinga aksaksa at limixin munepen minedi.

Sam 31:20 ပူးပေါင်းရင်းမြစ်များ

Sam 10:2

Laradi xapmek it las i la ik lox asongot limixin banbalo; una rebeng alis ka i at larapelixo i lili i xusu ri lox asubu limixin taram.

Sam 103:11

La labalamu ren i silok aleng tinedi ua dik lok ngangao ren, la mo labalamu ren i urut aleng upana at laxalibet mavana at lavatbung menemen.

Sam 103:8

Leeme Silok neni laradi at lebelemumu la labalamu, la ixok belemamao soso ketla i umsu mi labalamu lexen.

Sam 119:124

Una reven tatao ia, laradi gugu ram, kusu naba epovo rinotno mi labalamu lexen taram, la una anasa ia mi leventetere avolo ram.

Sam 124:5

la laaran silok gibak mir axong nedik.

Sam 140:3

Leven gam atdi ik lok ngan lempat sii angkang la levelinga atdi ik lok ngan lasak at lavatmoora.

Sam 140:5

Limixin loklok aaso dira li vam lelixo ria, dira saga vam lengkutkut atdi, la dira lii laxam pelixo ro at langas kusu ri lixo xaka ia.

Sam 2:12

Minat kis tintiding to melamgo ren; naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.

Sam 27:5

At levenaleng kakapmek neni naba lox alipe ia ro xeneng at loogu ren. Neni naba xubak pe ia ro xeneng at loogu laplavang, la ni naba vaxaxis aurut ia uto vana at langsangan luuat kis silok kusu anaba nemen matmatkun teren.

Sam 32:7

Nenu loxot loklok alipe rak, la unaba lox asepsu ia basinge levenmumuat. Ak pixan momo at loklok arooro ram, atla nenu u kok avukar ia.

Sam 36:11

Nemen uta ke avolo limixin loklok aaso dina esep minia, kopla limixin kapmek dina lox amarar ia la ana sixiro.

Sam 36:6

Loklok mokmokso ram i tu tuxuruxun ngan lempatkaana; lempapaase ramtaba ina ram i lolos aleng ngan laras i ekapus. Limixin axap mi levempanga mi lavanuet kangkedek di nemen maxopok at loklok tatao ram.

Sam 36:8

Ma anan mais avukat mi laxaluxa solo um taba nema min, la u ke nema ma ruuna ka lorooro nunuan i sesen su ram ngan ladan sen.

Sam 40:4

Lomomo rinedi di nuunu saga at Leeme Silok, la rinedi bok kopmen dina repukus mu laxampoovo moroa, kopla dina nemen eburu minedi di lotu saparap laxanmoroa xaxarang.

Sam 57:11

O Moroa, una lox asuusu leven gugu silok taram upana at lamavangkap, la una lox asuusu lisisixam taram at levengkot axap at na lavatbung menemen.

Sam 86:14

O Moroa, limixin loklok papavas nga mo dit pas tangarang ia; la libinam tadi longlong kuxurung mo di lok do dina sev amer ia, nedi limixin ua dixok mulus ka levelinga ram.

Lovoang At Ne Pol Ti Limixin Nunu to Rom 13:13

Mina lok kaka luruptuvuk nunuan, na ngan do limixin dik lok keneng at laxasep at laaleng kangking; nemen gat miguta raba gamasa lorooro atnemi ri levempanga ik lok kapmek lorooro, ngan liinin tangtangku laxangkadan lolos, loklok kakapmek maxamang at lixitkis epot, lengkot mamangan, lekarakat, la levereven peves.

2 Korin 12:20

A marat do at loxonaleng nia ana vot dom, aba long lenget nemi do mira lok petpes aleng pam ti lodoxoma nia a vara i do mibap tuvuk kuren; la nemi bok miba long lenger i do nenia bok aba lok petpes ti lodoxoma nemi miga vara i do nia aba lok kuren. A marat do aba ven lenget levenedak la levereven peves la levenmukmusak la levenekarakat la lavapaase nemnem la loklox asilok patlak la levempanga xopmen na sixit nunuan keneng at lotu.

Galesia 5:20

loklok ti lotu saparap laxampoovo vanga la lasangsanga xapmek. La limixin ua di munepen la dira vesep; la levereven peves eburu mi lebelemamao la laradi itlasi polo limixin axap. La levenekarakat la loklok ti vepeseves ti lara nep binam axap;

1 Timoti 6:4

neni i umsu mi loklox asilok la kopmen naklen tevempanga. Lorooro ren kopmen na lox avukat; ni i vavara mun i xusu ni na etep mi levelinga la nak musak amisik; la na, i lox asuusu mun leretere mumu, lekarakat, la lavapaase xapmek, la lodoxoma xapmek;

Jems 4:6

Ketla ne Moroa i raba dik mi letaba nabalamu, kerekngan Lovoang Kaala i tong i, “Moroa ixo ru ebelen minedi di lox aurut levenasen atdi. Ketla neni i lox asuusu letaba nabalamu ren tinedi di lox asi lorooro atnedi maxopok teren.” Ler 3:34