Sam 28:7 - Madak

⁷ Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 28:7 ပူးပေါင်းရင်းမြစ်များ

Epesas 6:10

Ti lox axap na lovoang. Mina lox alolos lorooro atnimi keneng at Leeme Silok la mina lok kaka lololos teren i silok pologat.

Sam 40:3

Ga lox ase ia rik pixan loxompixan maxat, loxompixan emi asu ri ne Moroa atnedik. Buaang nedi limixin dinaba ven kibis lolos teren, dina sangu aleng la dina ii doxoma la dinaba nuunu saga at Leeme Silok.

Sam 13:5

Ketla a nuunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge lavamunepen tarak.

Sam 28:8

Leeme Silok i kok nunuan limixin teren la neni i lok ngan lavatban tidi, la ik lox asepsu mo loorong ni ga soxolik ka i.

Sam 84:11

Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Sam 69:30

Anaba emi asu mi ne Moroa mi loxompixan; anaba paase asu laasen silok teren at loxonaleng ana tong avukat tin.

Sam 22:4

Lavalabat atnema diga nuunu saga ram; diga nuunu at levelinga ram, la uga lox asepsu di basinge levenaniu.

Sam 91:4

Neni naba kok nimi mi luvapa ren; la minabak lox avukat keneng at loklok tatao ren; luruturun teren naba lok tatao la na tu banpe nimi.

Sam 3:3

Ketla nenu, Leeme Silok, amisik nenu lavatban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.

Sam 21:1

O Leeme Silok. Loorong i lok momo, atla nenu ugam taba i mi lolos; i sosoro atla nenu ugam taba i mi lolos tik sak tup mi lavamunepen teren.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.

Sam 46:1

Moroa ni loogu matmatkun atnedik la lolos atnedik; i gagas amisik tik lok tooro dik at levenaleng nedik ta ekip tangaarang mi levenmumuat.

Sam 33:21

Ata momo saga ren, la ata nuunu at laasen teren i melemelengan.

Lisilimet 15:3

la digak pixan mi loxompixan at ne Moses, lasaxaruki at ne Moroa la digak pixan bok mi loxompixan at Lanasip; diga lok keretna, “Moroa Leeme Silok, u lolos aleng. Lempanga axap nenu uk lox i, i silok la i lox avukat aleng. Leventaangas taram la leveloklok taram ik mokso la i ruturun aleng. Nenu Loorong Silok mavana at limixin axap at na lavatbung menemen.

Sam 19:14

Nia a vara i do levempapaase rak mi lodoxoma rak nak mokso at lamaram. O Leeme Silok, nenu loxot loklok alipe rak, la nenu laradi rutu korop pe ria.

Sam 3:4

A sing lolos Leeme Silok mo ik lok tovana at lakaana kaala ren Saion la ing tonga ka lanteng tarak kusu ri loklok tooro.

Sam 13:6

O Leeme Silok. Anabak pixan tu, atla ugara lox anarong pam ia.

Sam 37:39

Leeme Silok i lox asepsu limixin mokmokso, la i kok avukat di at levenaleng kapmek.

Sam 43:2

Nenu Lurutu See Pe rak, tila u on taba arulu ia? Tila nia a ekip tangarang amisik mi laxaloklok asongot limixin munepen minia dik lok kuxurung ia min?

Sam 46:2

Kuren la dik ta noxo marat, keke i do lavatkangka axap nangne, la levem pattaavut na subu tup utou xopok at lebelen laras.