Sam 28:2 - Madak

² Una ronga ia at loxonaleng nia anang teng saparav u ri loklok tooro, la at loxonaleng ana xip aurut lukngak ti loogu laplavang taram i xaala aleng.

Sam 28:2 ပူးပေါင်းရင်းမြစ်များ

Sam 138:2

A ru gili ri loogu laplavang kaala ram a rikbu la a emi asu mi laasen taram mumu labalamu lexen la loklok tuturun taram tinama. La a emi asu minu atla uga lox asuusu i do laasen taram i silok pologat la Lenavolo ram i silok aleng la duk lok mavana at lempanga axap at na lavatbung menemen.

Sam 141:2

Una siam ka lisingising tarak ngan ta lusuxa i so mavak, la una siam ka lukngak angosong aurut min naba lok ngan ta laplavang tu ukantinao.

1 Timoti 2:8

A vara i do lavatlok at levengkot axap dina ngising amisik, la dina song aurut mi levengkikngen di upana keneng at levesingising atdi la kopmen teven mukmusak la levenedak noxo nemen at lorooro atnedi.

Sam 140:6

Na a vaase ru Leeme Silok keretna, “Nenu ne Moroa rak. Leeme Silok, una ronga lerengteng tarak kusu ri loklok tooro ram!

Sam 134:2

Mina xip aurut kikngen keneng at lisingising to xeneng at loogu laplavang, la mina emi asu mi Leeme Silok.

Sam 5:7

Ketla mumu mene labalamu silok taram, u ke avolo ia xusu ana vubeles at loogu laplavang taram i xaala; la ana lotu saparav u go, la ana xis tintiding saparav u mi loklok ngangao.

Sam 143:6

A song aurut mi lukngak tu keneng at lisingising tarak; la labalak ik minu ru ngan ta loxongkangka vatmang.

Sam 125:5

Ketla una lox asongot nedi dit pas at leventaangas i xakauk, la una lox asongot nedi bok di sok tixirixes kepe leventaangas taram. Limila nak lok maxeneng at limixin me Israel.

Sam 63:4

Nia anaba tong loklok avukat tu at levenmaares nia ana rooro ren, la anaba xip aurut lukngak do ana sing u.

Sam 130:2

O Leeme Silok, una ronga lanteng tarak; una ronga res at lisingising tarak la una doxoma xepe laxakapmek tarak!

Sam 141:1

Leeme Silok, a ro ke ram at na loxonaleng kusu una lok tooro nga ia! Una ronga ia at loxonaleng a ro ke ram.