Sam 26:1 - Madak

¹ O Leeme Silok, una tong atkatla li rak do, nenia laradi sepsen, atla nia a nuunu saga mun taram la ak lok amisik levempanga ik mokso.

Sam 26:1 ပူးပေါင်းရင်းမြစ်များ

Sam 121:3

Neni noxo ke xepe ba u la una subu; atla neni mo Lurutu See Pe ram kopmen na vunga.

Sam 15:2

Neni laradi i mumu asu lavavara at ne Moroa at leventaangas axap, la ik lok amisik leveloklok ik mokso la levelinga ren i ruturun amisik;

Sam 21:7

Loorong i nuunu saga at Leeme Silok, ni Lanaraavuk; nom labalamu lexen at Leeme Silok naba tu amisik, kuren la lixitkis orong teren nabak lok amisik.

Sam 25:2

O Moroa rak, a nuunu mene ram. Una lok tooro ia kusu ana sak tup mi limixin munepen minia la nia anoxo ruuna ka lainmangan at leesep. Nemen uta ke xepe di xusu dina sev asubu ia la dina lox aksaksa ria.

Sam 25:21

Nia a sing u xusu unaba lok tatao amisix ia atla a nuunu saga ram, la loklok tarak i nunuan la i ruturun.

Sam 26:11

Ketla nenia, ak lok amisik leveloklok ik mokso, una belemumu ia la una lox asepsu ia basinge di!

Sam 28:7

Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 31:14

O Leeme Silok, lunuunu rak i tu mun taram; la nenu ne Moroa rak.

Sam 35:24

O Leeme Silok, loklok taram ik mokso. Kuren la una tong atkatla li rak do nia ap sepse. Nemen uta ke avolo limixin munepen minia dina momo mu na levenmumuat tarak.

Sam 37:31

Lenavolo at ne Moroa i nemen keneng at lebelen la i mumu asu amisix i, la kopmen na on basinge i.

Sam 4:5

Minaplavang ti Leeme Silok mi levempanga naba lox epovo at lodoxoma ren, la minat kis nuunu saga ren.

Sam 43:1

O Moroa, una tong atkatla li rak do nia ap sepse, la una ru at lenep tarak tinedi limixin dixo nuunu ram. Una lox asepsu ia basinge limixin kaxarang la limixin kapmek.

Sam 54:1

O Moroa, una lox asepsu ia mi lolos taram, una lox asepmus ia mi lolos taram.

Sam 62:2

Neni xusuk ik kok avukar ia la ik lox asepsu ia; neni lentupe rak, la kopmen tara naba sev asubu ia.

Sam 62:6

Neni xusuk ik lok tatao ia la ik lox asepsu ia; neni i tupe ia la kopmen tinotno tara noxo sev asubu ia.

Sam 7:8

Nenu laradi rongtonga linga at limixin axap. O Leeme Silok, una ru ria; uklen i do nia laradi sepse.

Sam 94:18

Aga vaase xeretna, “Am subu si na ukopok.” Ketla, labalamu lexen taram, Leeme Silok, im tebeng ama aurut ia.

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

Ibru 10:23

Minam tebeng lolos lunuunu atnimi ri mo leveloklox anarong mo naba vot mila ne Moroa naba lox asorun levempapaase alii ren.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

2 Pita 1:10

Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.