Sam 25:3 - Madak

³ Limixin di nuunu saga ram, lavamunepen atdi noxo epovo na sak tup minedi, ketla nedi mene ding tonga viribang at levelinga ram, dinaba subu at leesep.

Sam 25:3 ပူးပေါင်းရင်းမြစ်များ

Sam 109:3

Di xarang taba ia, mi laxalinga bele ngatngas atdi; dik sok taba parang mun ia mi levelinga la kopmen tavasuun teren.

Sam 119:78

Naba lox avukat do una lox amangan nedi limixin loklok aaru, mila di lili laxalinga xaxarang mumu ia; ketla nenia, anabam doma mumu levempapaase auru ram.

Sam 123:2

O Leeme Silok, nenu ne Moroa atnama. Lavasaxaruki di nuunu saga at lubung amgomgo atdi, la lavasaxaruki rixin di nuunu saga at lavakin amgomgo atdi, la kerepmo bok nema manaba nuunu saga amisik taram, se at loxonaleng una lox asuusu lebelemumu ram tinama.

Sam 132:18

Anaba sak pava lavamunepen teren mi lainmangan, ketla limixin at lixitkis orong teren dinaba ngasang kobot la dinap novos.”

Sam 22:6

Ketla nia xopmen bok ba ana ngan laradi, a lok ngan ta laxalon; limixin axap di lele abulubun ia!

Sam 27:14

Kuren la minam doma ngangais ti Leeme Silok, la mina lolos, nemen gat mita doma abulubun kepe i, mina nuunu saga at Leeme Silok.

Sam 31:17

Leeme Silok, na nia a ro ke ram. Nemen gat uta ke avolo limixin munepen minia dina lox amangan ia. Keke nedi limixin bilinga dina lok mamangan; la dina rakdu aleng kusu dina lok pilo mun at loxonaleng dina si uto xopok at lemenemen at labarongan.

Sam 31:18

Una vamngus limixin di xaxarang, nedi dit las di la dim simi aurut di, di paase aksaksa mumu limixin mokmokso, la di paase asi di.

Sam 33:20

Ata nuunu saga at Leeme Silok. Neni Lurutu See Pe la Laradi Loklok Tooro atdik.

Sam 35:26

Nedi nom di lok momo at levenmumuat i vot saparav ia, una lox ekarakat levelinga atdi la una lox amangan di; nedi nom di lok do dik mokso polo ia, una lox abaava di la una lox amangan di.

Sam 37:34

Mina doma lolos ngangais ti Leeme Silok la minang tonga res at levelinga ren. Dola mina lox i xuren, ni naba lox anarong nimi mi laramtaba; neni lenep kangka aulis atnimi. La minaba ven limixin kakapmek, Leeme Silok naba saksu di basinge lenep kangka aulis atdi.

Sam 6:10

Limixin munepen minia dinaba ekip tangarang mi lainmangan la langsangan lumumuat atla Leeme Silok naba sak tup midi. Soso mun dinaba lok tangtangku la ni naba xala oo di.

Sam 62:1

Nia a tu atnaasan to melamgo at ne Moroa, la a ngangais i xusu na lox asepsu ia, atla nenia a nuunu saga ren, la kopmen tara bok.

Sam 62:5

Nia ak lok sogo xusuk mun at ne Moroa la nia amdoma ngangais tin.

Sam 69:4

Nedi nom dik lox angtungun gamasa ria, di umsu aleng tino polo leexes at levengkabinim at lavatlak tarak. Limixin munepen minia di xaxarang taba ia; di lolos aleng la di lok do dina sev amer ia. Di xaxarang taba ia do aga xip pilo xaka lempanga nia agoxo xip pilo xaka i; la di tong i ria do ana raba amlong i.

Sam 69:6

O Leeme Silok, nenu Loorong Avolo la Lanaraavuk. Nemen gat uta ke xepe limixin nuunu ram dina mangan mu loklok tarak. Moroa me Israel, nemen gat uta ke mo loklok tarak na sox asu lainmangan tinedi di lotu ruturun saparav u.

Sam 71:13

Una sak tup midi, la una sele utut nedi ua di lok do dina sev ia. La keke nedi di lok do dina lox asongor ia, dina mangan la dina baava.

Lagale Lavavang At Ne Iesu Karisito Jon Ga Malagan I 15:25

Ketla anai i lox asorun levelinga ik lok keneng at Lenavolo atdi i lok keretna. ‘Kopmen tavasuun at lebelemamao atdi saparav ia.” Sam 35:19, 69:4

Lovoang At Ne Pol Ti Limixin Nunu to Rom 8:25

Ket do nedik ata doma voovo ri tavanga dik dixo ven i, ataba ngais atnaasan i.