Sam 25:2 - Madak

² O Moroa rak, a nuunu mene ram. Una lok tooro ia kusu ana sak tup mi limixin munepen minia la nia anoxo ruuna ka lainmangan at leesep. Nemen uta ke xepe di xusu dina sev asubu ia la dina lox aksaksa ria.

Sam 25:2 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 10:11

Lovoang Kaala i vaase i xeretna, “Do nege do i nuunu ren, neni noxo doma saasaa.” Ais 28:16

Sam 41:11

Di noxo epovo ri sak tup minia, la kerepmo nia anabaklen i do uk lok momo minia.

Sam 71:1

Leeme Silok, a vot parav u mi lisingsing kusu una lox aratao ia basinge lavamunepen tarak; uguta ke xepe di, dina sak tup minia!

Lovoang At Ne Pol Ti Limixin Nunu to Rom 5:5

Na lodoxoma voovo xopmen na lox abulu nedik, atla ne Moroa gara soli asu vam labalamu ren ukeneng at lorooro atnedik mi Loroonan Kaala, ni laramtaba at ne Moroa rinedik.

Sam 22:5

Diga ro ke ram la di goxo ekip tangarang mi levenaniu. Diga nuunu saga ram la uga lox epovo levendoxoma atdi.

Sam 142:6

Una ronga ia, ang teng ti loklok tooro ram atla lodoxoma abulubun i suxuna axap ia. Una lox asepsu ia basinge lavamunepen tarak atla di lolos aleng polo lolos tarak.

Sam 31:1

Leeme Silok, na a vot parav u xusu unak lok see rak. Nemen uta ke avolo limixin munepen minia dina sep kapmex ia la ana lok mamangan. Loklok taram ik mokso axap, na a sing u do una lox asepsu ia basinge di.

Sam 34:8

Nemi xa mina ven terek luvukat at Leeme Silok. Laradi ik soxolik ka loxokok at Leeme Silok, ni na sosoro.

Sam 94:3

Mo leklek ap mo limixin dik lok laxapmek naba se ba ua? Naba se ba ua, Leeme Silok?

1 Pita 2:6

I ngan Lovoang Kaala i tong asu levelinga at ne Moroa xeretna, “A soxolik kaka luat i ruuna luunun i silok aleng la anaba lok li i ngan luat ti lemesuluk at lemenemen Saion la do nege na nuunu ren, neni kopmen tinotno noxo ruuna ka lainmangan.” Ais 28:16

Sam 37:40

Ik lok tooro di la ik lox aroo di basinge limixin kakapmek, atla di vot pasa i xusu ni nak lok see atdi.

Sam 18:2

Leeme Silok ik lok see rak basinge lavamunepen; neni Loogu Matmatkun tarak. Moroa rak, neni Lurutu See Pe rak, la keneng mun teren nia a nemen matmatkun. I tupe ia ngan lavatban; i tu tooro ia, la i kubak pe ia basinge lavamunepen tarak.

Sam 7:1

O Leeme Silok, nu ne Moroa rak; ana a vot saparav u kusu una lok see rak; una lok tooro ia la una lox asepsu box ia basinge nedi di xala mu rak.

Sam 22:8

Dik lok tia xeretna, “Nenu ga nuunu saga at Leeme Silok, tila neni xopmen na mulus ti lox aroo u? Dola Leeme Silok i vavara ru, tila ni xopmen na lok tooro u?”

Sam 22:1

Moroa rak, Moroa rak, tila u raba arulu ia? Arang teng pupuse aleng ri loklok tooro ram, ketla uxo lok tooro ia.

Sam 56:1

O Moroa, una belemumu ia, atla nia na a nemen at leesep; limixin munepen minia dik lox asongot amisix ia.

Sam 13:5

Ketla a nuunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge lavamunepen tarak.

Sam 31:2

Una ronga ia, na! Una lox asepsu ia basinge di! Nenu una nemen ngan loxot loklok alipe rak, kusu una kok avukar ia. La una rupe avukar ia, kusu anaba nemen avukat, la limixin munepen minia di noxo sep kapmex ia.

Sam 31:15

Nia a nemen amisik keneng at loklok tatao ram, una lox asepsu ia basinge limixin munepen minia, la basinge bok nedi di lox asongor ia.

Sam 91:2

di epovo xusu dina tong i rin keretna, “Nenu lentupe atnema la Lurutu See Pe atnema. Nenu ne Moroa atnema; la ma nuunu saga ram.”