Sam 20:6 - Madak

⁶ Na nia aklen i do Leeme Silok im taba lolos ti loorong soksoxolik teren kusu ri sak tup mi limixin munepen min; neni i paase porang levelinga ro at loxot melemelengan teren keneng at lebelen laxalibet at ne Moroa. At lolos axa ren neni im taba i mi lolos avolo aleng ti sev asi limixin munepen.

Sam 20:6 ပူးပေါင်းရင်းမြစ်များ

Sam 17:7

Una lox asuusu nom labalamu avukat taram la una lox asepsu ia; nia at kis esogo minu la kopmen nia ana marat at limixin munepen minia.

Sam 18:35

O Leeme Silok, um taba ia mi loxokok la uk lox asepsu ia; loklok tooro ram ira lox asilok pam ia; la lolos bok taram ga kubak pe ia basinge lavamunepen tarak.

Sam 18:50

Moroa im taba lolos silok ti loorong kusu nak sak tup mi lavamunepen teren; ik lox asuusu labalamu lexen teren ti no lara neni xa ga soxolik kaka i, ti ne Devit la ri luvuttubuno avolo umelemu.

Sam 2:2

Lavaorong at mo levengkot, di gagas ti esep eburu mi ne Moroa. La luvuttadi amgomgo dit kis buru ri puse ngas ti lox asi Leeme Silok, eburu mi loorong no neni ga soxolik ka i.

Sam 28:8

Leeme Silok i kok nunuan limixin teren la neni i lok ngan lavatban tidi, la ik lox asepsu mo loorong ni ga soxolik ka i.

Sam 41:11

Di noxo epovo ri sak tup minia, la kerepmo nia anabaklen i do uk lok momo minia.

Sam 9:15

Lavamolon diga xe lemet kusu ri sep limixin taram, ketla nedi xa diga subu tup teren, nedi xa diga onon at larapelixo atdi.

Metiu 6:9

Do mina sing, mina mu asu i xeretna, ‘Temen nama no vana at laxalibet, mana lok ngangao at laasen taram.

Leven Gugu 2:33

Ni ga lam kaka i uto vana at laxalibet la ga vaxaxis li i ro at lixitkis orong la ne Moroa xa ga raba i mi lololos kusu ni na riki Loroonan Kaala ren tinama, kerekngan tai mo nemi mi ven i la mi ronga i.

Leven Gugu 2:36

Kuren la limixin axap me Israel dinaklen avukar i do na ne Iesu, no miga vaxarem i ro at laxaba, ne Moroa ga lok li i xusu neni Leeme Silok la Lanarong.”

Leven Gugu 4:10

Minaklen i la limixin axap bok me Israel minaklen i do na laradi na i tu melamgo atnimi, ni ita lox avukat at lolos at laasen at ne Iesu Karisito me Nasaret, no nemi miga vaxarem i at laxaba. Ketla ne Moroa ga lox axatu amlong i basinge lanmet.

Leven Gugu 5:31

Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.