Sam 145:19 - Madak

¹⁹ Neni im taba epovo ri levem pakpakes atnedi ua dik lok ngangao ren; ing tonga leven anteng atnedi la irak lox asepmus nedi.

Sam 145:19 ပူးပေါင်းရင်းမြစ်များ

Sam 20:4

Ma sing box i do ni naba raba box u mi lempanga ung kongkat tin, la ni naba lox asoxos levendoxoma gagas taram.

Sam 34:17

Limixin mokmokso di toro ke at Leeme Silok, la ni ing tonga res atnedi. Neni ik lox asepsu di basinge levenmumuat atnedi.

Sam 34:18

Leeme Silok i gagas amisik ti lok tooro nedi dik lok tuntun, la i lox asepsu nedi di baava la di doma i do diba met.

Sam 34:9

Nemi axap limixin teren, mina lok ngangao at Leeme Silok. La nedi ding tonga res teren, di ruuna xobot kaka levempanga axap dik pakes tin.

Sam 37:19

Di noxo suma losongsongot at levenaleng kapmek. Dinaba ruuna epovo leveluxa at levenaleng at loroxo.

Sam 37:4

Mina puse ri lomomo rinimi keneng at Leeme Silok, kusu ni naba raba nimi mi levempanga no lebelen nimi i tu solo i.

Sam 91:15

At loxonaleng dina ngising tia, anaba ronga res atnedi. Do dina ekip tangarang mi levenmumuat, anbak lok eburu midi kusu ri lok tooro di; anaba lox asepmus nedi basinge mo levenmumuatla ana xip aurut levenasen atdi.

Metiu 5:6

Luvukat mo ik lok tinedi di ngaongao ri loklok mokmokso, mila ne Moroa naba lox epovo mo lavavara atdi.

Lagale Lavavang At Ne Iesu Karisito Luk Ga Malagan i 1:53

I suxa umsu limixin dik pakes mi lempanga nunuan, la ik tiki limixin dip novos la dit pas la kopmen bok ba tempanga dina ruuna i.

Lagale Lavavang At Ne Iesu Karisito Jon Ga Malagan I 15:16

Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Lagale Lavavang At Ne Iesu Karisito Jon Ga Malagan I 15:7

Do mina nemen tarak, la do minam tebeng lolos levelinga rak, mina sing ti levempanga salai mi vara rin, la miba ruuna ka i.

Lagale Lavavang At Ne Iesu Karisito Jon Ga Malagan I 16:24

Ga ru ka i gano la ia se nga mo, mi goxo sing ti tevempanga xeneng at laasen tarak. Mina ngising ti tevempanga la miba ruuna ka i, kusu lomomo atnimi naba umsu.”

1 Jon 5:15

Nedik ta xasep pam do ne Moroa ing tonga levesingising atdik, kuren la nedik ta xasep bok do neni im taba dik mi mo lempanga ta ngising tin.