Sam 145:10 - Madak

¹⁰ Leeme Silok, lempanga rooro axap nenu uga rudum li di, dinaba emi asu minu, la limixin axap taram dinaba tong avukat tu.

Sam 145:10 ပူးပေါင်းရင်းမြစ်များ

Sam 103:22

Nemi lempanga vipis axap teren at lengkot axap neni ik lok gomgo ren, mina emi asu mi Leeme Silok. Labalak, una emi asu mi Leeme Silok!

Sam 104:24

O Leeme Silok; ugara lok pam laxampanga solo! La uga lok di mi lakleklen, do! Lavatbung menemen i umsu mi laxampanga vipis axap taram.

Sam 149:5

Limixin at ne Moroa dina momo mi leepang silok atla diga sev asi nedi, la dinak pixan momo maraanu rinotno at lengkanimin axap.

Sam 19:1

Laxalibet i lox asuusu laasen silok at ne Moroa la levempanga neni ga rudum li i.

Sam 22:23

Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Minak lok ngangao ren la mina lotu saparap amisix i!

Sam 30:4

Nemi luvuttadi ruturun teren, minak pixan emi asu ri Leeme Silok! Mina doma lempanga silok laradi melemelengan gara lok pam i, la mina tong loklok avukat tin.

Sam 30:5

Lumukmusak teren kopmen nak lox abao, ketla loklok nunuan teren i nemen at levenaleng axap at lorooro rak. Kuren la levengkamkabili dan ba sesen su at luxatli rak at laxanimin, ketla lomomo naba ravasu maxantamak suubu.

Sam 32:11

Nemi limixin mokmokso, mina momo la mina sosoro at levempanga Leeme Silok gak lox i. Nemi ming tonga res teren, minap kup momo.

Sam 57:9

O Leeme Silok, nia anaba tong loklok avukat tu ro melamgo at limixin at levenep silok. Nia anabak pixan emi asu minu ro melamgo at limixin axap.

Sam 68:26

Ata emi asu mi ne Moroa ro xeneng at lovotpot buru at limixin teren; nemi livipisik li at ne Jakop, mina emi asu mi Leeme Silok!

Sam 69:35

Neni naba lox asepsu leme Jerusalem basinge lavamunepen atdi la na vaxaru amlong levenmenemen silok at lenep Juda. Limixin teren dinaba ruuna ka mo lenep kangka la dinaba nemen amisik go.

Sam 97:12

Nemi limixin mokmokso minak lek ap mo lempanga Leeme Silok gara lok pam i! Mina doxoma aklen ti mo lempanga ne Moroa melemelengan gara lok pam i rinimi, la mina tong avukat tin.

Ibru 13:15

Iesu ga uu ngan laxaavuk tidik, kuren la ata emi asu amisik mi ne Moroa, i lok ngan laplavang atdik tin la i lok ngan bok livipisik atnedi di nuunu at laasen teren.

1 Pita 2:5

Nemi bok mira lok ngan pam larauat too rip kip gu, la ne Moroa xa i xip loogu laplavang minemi, kusu nemi minaba gugu ngan lavamaasa at ne Moroa; la minam taba i mi leventamtaba at loroonan mo ne Moroa naba siam kaka i xeneng at ne Iesu Karisito.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.