Sam 145:1 - Madak

¹ Moroa, nenu Loorong Silok tarak. Anaba tong asuusu laasen silok taram atla nenu Loorong Silok la ne Moroa rak; anaba tong avukat amisik tu la a noxo xap tinotno ri tong avukat.

Sam 145:1 ပူးပေါင်းရင်းမြစ်များ

Sam 100:1

Limixin at lavatbung menemen axap, minak pixan ti Leeme Silok!

Sam 118:28

Nenu mun ne Moroa rak, la a tong aorong tu; la a xip aurut laasen taram mumu lolos silok taram.

Sam 145:21

Anaba emi asu amisik mi Leeme Silok la mo lempanga axap ua neni ga rudum i, dina emi asu amisik mi laasen melemelengan teren.

Sam 146:2

Anaba emi asu min at levenaleng axap, nenia ana rooro ren; la anabak pixan ti ne Moroa rak keneng at lorooro axap tarak.

Sam 149:2

Nemi leme Israel, minak lek mumu laradi runtudum li atnemi; nemi limixin me Saion mina momo mumu mo Loorong Silok atnemi!

Sam 30:1

Leeme Silok, nenia a emi asu minu, atla nu uga lox asepsu ia. La uga rupe limixin munepen minia di goxo lok momo aksaksa ria.

Sam 30:12

Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.

Sam 30:2

O Leeme Silok, nia agang teng saparav u ri loklok tooro; nenu ne Moroa rak, la uga lox aroo ia basinge lanmeres.

Sam 34:1

Nia anaba tong loklok avukat amisik ti Leeme Silok, la a noxo xap mun at leges aleng ti emi asu min.

Sam 44:4

Nenu Loorong Silok tarak la ne Moroa rak, uk lok tooro limixin taram la dik sak tup mi limixin munepen midi,

Sam 45:1

Levelinga nunuan i umsu at lodoxoma rak, la nia ara rivit na loxompixan ti loorong at leme Israel, nenia a gagas ti tong asu i ngan laradi akleklen ti malagan avukat mo i gagas lavanga mamalagan teren.

Sam 45:6

Mo lixitkis amgomgo ne Moroa ga raba u min, naba nemen amisik la kopmen noxo xap. Nu um gomgonga limixin taram mi levelinga mokmokso.

Sam 5:2

Una ronga res at lerengteng tarak ti loklok tooro. Nu ne Moroa rak la Loorong Silok tarak! Nia a sing tu. O Leeme Silok,

Sam 5:3

ung tonga laxaka rak maxantamak suubu. At laxangking i so su, a tong asu levesingising tarak, la at kis ngangais ti lovoporang taram tia.

Sam 52:9

Nia anaba tong loklok avukat amisik tu, ne Moroa, ti nom lavanga ugara lok pam i; nia anaba tong asu i do nenu u lox avukat to melamgo at limixin taram.

Sam 68:4

Minak pixan ti ne Moroa, minak pixan emi asu mi laasen teren; mina gagas li langas tin mo it kis pana at loxontakabu. Laasen teren ne Leeme Silok. Mina lok momo ro melamgo ren!

Sam 75:9

Ketla nenia noxo xap at lavapaase asu levelinga mumu Lomoroa at ne Jakop kopla anak pixan emi asu rin.

Sam 95:3

Atla Leeme Silok neni Lanaraavuk ne Moroa, neni Loorong Silok i lolos kimit axap levenmoroa xaxarang.

Sam 96:2

Minak pixan ti Leeme Silok, la mina emi asu min! At levenaleng axap mina vavang mi lagale lavavang do neni ga lox asepmus nedik.

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Lisilimet 19:16

La lara langas linga ik lok to at lisingsigaara ren la to bok at laaon teren; nom langas linga i lok keretna, “Loorong Silok mavana at lavaorong silok la Leeme Silok mavana at lavaeme silok.”