Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sam 143:10 - Madak

10 Nenu ne Moroa rak; una lox ase ia mi langas ti mumu asu lavavara ram. Unak lok luvukat tia, la una sasat ia pana at langas manmanton.

အခန်းကိုကြည့်ပါ။ ကော်ပီ




Sam 143:10
36 ပူးပေါင်းရင်းမြစ်များ  

Nenu mun ne Moroa rak, la a tong aorong tu; la a xip aurut laasen taram mumu lolos silok taram.


O Leeme Silok, leemi asu mun tu; una anasa ia mi leventetere avolo ram.


Una lam ia xusu ana mumu asu mo levempapaase ali ram, mila ik lox asuusu lomomo ria.


Una ila mumu ia do teveloklok kakapmek tarak, la unam gomgonga amisik ia at levenaleng axap se at lanmet tarak.


Na a vaase ru Leeme Silok keretna, “Nenu ne Moroa rak. Leeme Silok, una ronga lerengteng tarak kusu ri loklok tooro ram!


Moroa rak, Moroa rak, tila u raba arulu ia? Arang teng pupuse aleng ri loklok tooro ram, ketla uxo lok tooro ia.


Neni im taba ia mi lolos maxat. La im lam ase ia keneng at larangas mokmokso, ngan ni gara vaase ali vam i.


Nedi ding tonga res at Leeme Silok, ni naba anasa di mi langas dina mumu asu i.


O Leeme Silok, una lox ase ia mi langas sala u vara i do nia ana mumu asu i. La unam lam ia at langas nunuan, atla a ruuna buaang limixin munepen.


O Leeme Silok, lunuunu rak i tu mun taram; la nenu ne Moroa rak.


O Moroa, nenu ne Moroa rak. Labalak i ngaongao ru. Lorooro axap tarak i vavara ru, ngan laxangka i vat dexes, la i soso vavagam ngan lasa mes. Lorooro rak ik minu ru.


La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”


Ketla laradi loklok tooro, ni Loroonan Kaala ne Tamak naba riki i xeneng at laasen tarak. Neni naba anasa nimi mi levempanga vipis axap la naba vaase aronga nemi ri levempanga agara tong pam i rinimi.


A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.


Luvutnetak mi luvurinuk, a sing nemi xeneng at laasen at Leeme Silok ne Iesu Karisito la labalamu at Loroonan Kaala im taba i. A vara i xusu mina lok tooro ia mi levesingising ti ne Moroa ri loklok tatao ren tia.


Na lodoxoma voovo xopmen na lox abulu nedik, atla ne Moroa gara soli asu vam labalamu ren ukeneng at lorooro atnedik mi Loroonan Kaala, ni laramtaba at ne Moroa rinedik.


atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.


Keneng at na lodoxoma voovo, Loroonan Kaala naba lok tooro nedik do nedik taxo ru lolos, atla dik taxoklen i do ataba sing kereva; la Loroonan axa i ngising tinedik saparap ne Moroa mi levelinga metmes nia axo epovo xusu ana mii poovo i mi tekolinga.


Nemen mita lox abulu Loroonan Kaala at ne Moroa. Loroonan Kaala neni loklok katling ne Moroa ga raba vam nimi min, i ngan lampinebeng ti loklox arooro atdik.


Mo laradi i ruuna laxasep at lorooro ren i lox asuusu luvukat, loklok mokmokso la loklok at lavapaase i ruturun.


Atla nom Loroonan ne Moroa ga raba dik min kopmen nak lox amarat dik, ketla Loroonan teren ik suxa aumsu dik mi lololos, labalamu la lodoxoma avukat.


A sing ne Moroa do na lox agagas avukat nimi xusu minaba mu asu lavavara ren la neni na gugu at lebelen nimi xeneng at loklok tooro at ne Iesu Karisito. Ata ba lok mo levempanga neni naba momo ren la ata emi asu min la na leemi asu rin noxo xap. Tuturun.


Ketla nemi miga ruuna ka vam Loroonan Kaala, ne Iesu Karisito ga raba nimi min, la mo Loroonan Kaala ik lok keneng atnemi. La ixo epovo do tara na anasa nimi, ketla Loroonan Kaala i lox axasep nimi mi lempanga axap, la mo Loroonan Kaala xopmen laxaxarang mun, ketla ni i ruturun. La nemi minat kis esogo mi ne Iesu kerekngan Loroonan Kaala ira lox ase vam nemi min.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ