Sam 138:2 - Madak

² A ru gili ri loogu laplavang kaala ram a rikbu la a emi asu mi laasen taram mumu labalamu lexen la loklok tuturun taram tinama. La a emi asu minu atla uga lox asuusu i do laasen taram i silok pologat la Lenavolo ram i silok aleng la duk lok mavana at lempanga axap at na lavatbung menemen.

Sam 138:2 ပူးပေါင်းရင်းမြစ်များ

Sam 115:1

O Leeme Silok, ik mokso do limixin dina xip aurut laasen taram, la ixok mokso do dina xip aurut levenasen atnama, ketla nenu xusuk mun u epovo ri lok ka leemi asu, mumu labalamu lexen taram la uk lox epovo amisik levelinga ram.

Sam 28:2

Una ronga ia at loxonaleng nia anang teng saparav u ri loklok tooro, la at loxonaleng ana xip aurut lukngak ti loogu laplavang taram i xaala aleng.

Sam 5:7

Ketla mumu mene labalamu silok taram, u ke avolo ia xusu ana vubeles at loogu laplavang taram i xaala; la ana lotu saparav u go, la ana xis tintiding saparav u mi loklok ngangao.

Sam 5:8

O Leeme Silok, buaang limixin di munepen minia! Unamgo nga ia xusu ana mumu asu lavavara xa ram; una lox axasep langas taram tia ri mumu asu i.

Sam 56:10

Nia a emi asu mi Leeme Silok mumu leveng kakaape ren.

Sam 56:4

Nia a nuunu saga at ne Moroa la axok marat. Nia a emi asu min atla ni naba lok epovo mo levempanga ni ga xaape min. Ixo epovo rinotno xusu limixin mun diba lok tavanga xapmek tia.

Sam 85:10

Labalamu eburu mi luruturun at ne Moroa dunaba etang; la lomokmokso eburu mi lenmila ren la dunaba esu auru.

Sam 86:15

Ketla nenu ne Moroa la Leeme Silok tarak, u ruuna lebelemumu la labalamu lexen, uk lox atnaasan, uk belen tuntun, la u ruturun amisik ti limixin taram.

Sam 99:5

Leemi asu ri Leeme Silok ne Moroa atnedik. Mina ngising tin to melamgo at loxot kitkis teren! Neni i melemelengan!

Sam 99:9

Leemi asu ri Leeme Silok ne Moroa atnedik, la ata ngising tin to at loxongkaana xaala Saion! Leeme Silok ne Moroa atnedik i melemelengan.

Metiu 24:35

Laxalibet mi lavatbung menemen naba sonao, ketla levelinga rak noxo xap.”

Metiu 5:18

A tong tuturun i rinimi. Laxalibet mi lavatbung menemen naba nemen at laxanaleng solo, la ap mo levenaleng kopmen tamangkot lixilik at levelinga keneng at Lenavolo naba xap asonao, i se ap mo laaleng levelinga ren naba sorun.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Lagale Lavavang At Ne Iesu Karisito Jon Ga Malagan I 10:35

Ataklen i do levelinga at Lenavolo i ruturun tinotno; la ne Moroa ga tong di do levenmoroa, ti mo luvuttadi levelinga ren ga vot tidi.