Sam 134:3 - Madak

³ A vara i do Leeme Silok i nemen de Saion la ga rudum li laxalibet mi lavatbung menemen naba lox anarong nemi!

Sam 134:3 ပူးပေါင်းရင်းမြစ်များ

Sam 110:2

Leeme Silok naba lox asilok mo lixitkis amgomgo ram naba ruka i ro Saion; la unabam gomgonga nedi lavamunepen taram.

Sam 115:15

A sing Leeme Silok kusu na lox anarong nemi; neni Laradi Runtudum Li at laxalibet mi lavatkangka.

Sam 124:8

Loklok tooro atdik ip tavasu boro at Leeme Silok, neni ga rudum li laxalibet mi lavatbung menemen.

Sam 128:5

Naba lox avukat do Leeme Silok boro Saion, naba lox anarong nimi at levenaleng axap at lorooro atnimi. Naba lox avukat bok do minaba ven lemenemen Jerusalem na vosok,

Sam 135:21

Mina emi asu mi Leeme Silok to xeneng Saion, ik lok to xeneng at langkolonu aulis teren Jerusalem. Leemi asu ri Leeme Silok!

Sam 136:5

Neni ga rudum li laxalibet mi mo lakleklen teren; kopmen tekavaxap at labalamu ren.

Sam 14:7

A vara rinotno i do ne Moroa na riki tara boro Saion kusu na lox asepsu limixin me Israel basinge limixin munepen atdi, la limixin me Israel diba lok momo dola Leeme Silok na lox asang kobot amu manga di.

Sam 20:2

Ma sing box i do loklok tooro ru naba laa boro xeneng at loogu laplavang teren, la loklok tooro bok tu naba vot boro Saion at lakaana ren.

Sam 20:3

Ma sing box i do ni naba siam ka ampana letaba ram, la ni naba momo rino bok mi levelaplavang taram.

Lovoang At Ne Pol Ti Limixin Nunu to Rom 11:26

La melemu at na, limixin axap me Israel dinaba roo suu basinge loklok nedi digak lok teren. I ngan Lovoang Kaala i tong i xeretna, “Laradi Loklox Arooro naba laa boro Saion, la na lok kepe laxaloklok kakapmek at livipisik li at ne Jakop.