Sam 133:3 - Madak

³ I lok ngan leedemi boro at lakaana Eremon i sesen su boro vana at lengkon kaana lixilik to Saion. La ni mo lenep ua ne Moroa ga xaape min kusu naba lox anarong limixin mi lorooro lexen.

Sam 133:3 ပူးပေါင်းရင်းမြစ်များ

Sam 16:11

Unaba lox ase ia mi langas it pas uto at loxot ti lorooro. Ut kis esogo minia, la a momo amisik. Uk lox aumsu ia mi lososoro mo naba nemen amisik la kopmen tekavaxap teren.

Sam 21:4

Ni ga sing u ri lorooro, la nu ga raba vam i min, lorooro abao naba baalom aleng.

Sam 21:5

Lisisilok teren i volo, atla nenu uk lok tooro i; laasen silok mi lisisinang teren, nenu xa uga raba i min.

Sam 42:8

Leeme Silok na lox asuusu labalamu lexen teren at laaleng kangking, kusu nia anabak pixan at laxanimin, ni lisingising tarak ti ne Moroa mo im gomgonga lorooro rak.

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Lagale Lavavang At Ne Iesu Karisito Jon Ga Malagan I 5:29

la diba ru suu boro at lara maaut atdi; la nedi, diga lok loklok nunuan, diba xatu la dina rooro, la nedi digak lok laxakapmek, diba xatu la dinat pas uto at lemenemen songsongot.

Lagale Lavavang At Ne Iesu Karisito Jon Ga Malagan I 6:68

Simon Pita ga vorang i rin keretna, “Leeme Silok, kopmen bok ba tara mabat kis esogo min. Nenu xusuk mun u ruuna levelinga im taba lorooro avolo.

Lovoang At Ne Pol Ti Limixin Nunu to Rom 5:21

Kuren la at loxonaleng laxapmek i tu ri sat ka limixin ti lanmet, letaba nabalamu bok at ne Moroa i tu xusu ti sar akmokso di, la na lam kaka di ri lorooro avolo mumu ne Iesu Karisito, Leeme Silok atnedik.

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

1 Jon 2:25

La neni naba lox epovo lavapaase alii ren, no ni ga xaape min tinedik keretna, neni naba raba nedik mi lorooro avolo.

1 Jon 5:11

Mo levelinga i lok keretna, Moroa ga raba vam dik mi lorooro avolo, la langas ti mo lorooro i nemen at lekngen ne Nitna.

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.