Sam 119:50 - Madak

⁵⁰ Uga lox amenemen ia at laaleng aga nemen keneng at losongsongot, mila uga lox epovo laxakaape ram tia la uga lox arooro ia.

Sam 119:50 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 15:4

Levempanga axap ik lok at Lovoang Kaala, diga malagan i gano xusu ri lox ase nedik, kusu nedik ataba lok kaka lodoxoma voovo xeneng at Lovoang Kaala mo im taba dik mi loklox atnaasan la lavapaase tooro.

Lagale Lavavang At Ne Iesu Karisito Jon Ga Malagan I 6:63

Loroonan Kaala im taba limixin mi lorooro; levenuut kusuk mun kopmen na epovo na lok tooro di. Levelinga nenia a vaase vam nimi min, neni levelinga at Loroonan kaala la at lorooro.

Sam 94:19

At levenaleng nia a suma levenmumuat la arak lok tuntun, nenu uk lox amenemen ia la urak lox aklek ia.

Sam 28:7

Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 42:11

Tila nia ak bulu amisik? Tila nia am doma saasa? Nia anam doma ngangais ti ne Moroa, kusu anaba emi asu amu bok min, ni Laradi Loklok Arooro rak la ne Moroa rak.

Sam 42:8

Leeme Silok na lox asuusu labalamu lexen teren at laaleng kangking, kusu nia anabak pixan at laxanimin, ni lisingising tarak ti ne Moroa mo im gomgonga lorooro rak.

Sam 27:13

Nia akleklen i do anaba ven luvukat at Leeme Silok at na lorooro.

Sam 119:25

Nia mo ak midi rinotno ro xeneng at laxakup; una lox aroo ia kerekngan levelinga ram.

1 Pita 2:2

Minak lok ngan laxamdak mumulum, no di vavara inin amisik levendan tus at loroonan, atla do mina inin amisix i, minaba vee mukun at lunuunu atnimi la mina roo suu.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.

Sam 119:38

Una lox epovo laxakaape ram tia, laradi gugu ram, i ngan uk lox epovo i rinedi ding tonga res taram.

Sam 119:41

Leeme Silok, una lox asuusu labalamu ram tia, la una lox arooro ia kerekngan laxakaape ram tia,

Sam 119:92

Mo do Lenavolo gixo lox amomo ia, nia ro gira met pam mumu laxasongsongot tarak.

Sam 138:7

At levenaleng levenmumuat i tu kangkan ia, nenu uk lok tatao ia. Nenu up sep tangarang lavamunepen belemamao rak, la uk lox asepsu ia mi lolos taram.