Sam 119:33 - Madak

³³ O Leeme Silok, una lox ase ia kusu ana xasep at leventetere avolo ram, la anabang tonga res teren at levenaleng axap.

Sam 119:33 ပူးပေါင်းရင်းမြစ်များ

1 Jon 2:27

Ketla nemi miga ruuna ka vam Loroonan Kaala, ne Iesu Karisito ga raba nimi min, la mo Loroonan Kaala ik lok keneng atnemi. La ixo epovo do tara na anasa nimi, ketla Loroonan Kaala i lox axasep nimi mi lempanga axap, la mo Loroonan Kaala xopmen laxaxarang mun, ketla ni i ruturun. La nemi minat kis esogo mi ne Iesu kerekngan Loroonan Kaala ira lox ase vam nemi min.

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

Sam 119:12

O Leeme Silok, leemi asu mun tu; una anasa ia mi leventetere avolo ram.

Lagale Lavavang At Ne Iesu Karisito Jon Ga Malagan I 6:45

Lavaeme vapaase alii diga malagan li levelinga xeretna, ‘Limixin axap, ne Moroa naba anasa di.’ Ais 54:13 Nedi axap do di ronga ne Tamak la dia lok kaka loklox anasa ren, nedi diba vosiga ia.

Metiu 24:13

ketla do tara na tu tuxuruxun at lunuunu ren se at laxavaxap ap mo levenmaares lolos, Moroa naba lox arooro i.

Lisilimet 2:26

Do tara i tu lolos la it pas asi lololos at laxapmek la i lox epovo lavavara rak se at laxavaxap at na lavatbung menemen, aba raba i mi lololos kusu rim gomgo ridi buaang limixin at na lavatbung menemen.

Metiu 10:22

Limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.

Sam 119:112

Leveeve axap tarak i tu mun pana at leventetere avolo ram, naba se at laaleng lorooro rak naba xap.

Sam 119:8

Aba ronga res mu axap leventetere avolo ram, kuren la nemen uta rexes kepe ia.

Sam 39:2

Nia agak lox atnaasan, la agoxo tong toxolinga. I ruturun tinotno, nia agoxo tong tepanga mumu levempanga nunuan! Ketla lumumuat tarak ga sisilok amisik,

Sam 119:2

Luvukat mo ik lok tinedi di mumu asu lempapaase matmatkun at Leeme Silok la ding tonga res teren mi lebelen di axap.