Sam 119:144 - Madak

¹⁴⁴ Mo lempapaase matmatkun taram ik mokso aleng tino; una raba ia mi lodoxoma avukat kusu nia aba rooro.

Sam 119:144 ပူးပေါင်းရင်းမြစ်များ

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

Sam 119:169

Leeme Silok, una ronga lanteng tarak saparav u ri loklok tooro. Una lox asuusu lodoxoma aklen taram tia kerekngan laxakaape ram.

Sam 119:73

Uga rudum ia mi lukngam la uk lox alipe ia basinge laniu; um taba ia mi levendoxoma nunuan kusu ri lox ase at levempapaase ali ram.

Metiu 13:19

Tinedi di ronga lempapaase mumu Linintoo, ketla dixo xasep teren, nedi di lok ngan levenit piao ga subu ro mun at langas. Satan i vot la i lok pes nom levelinga basinge lorooro atdi.

Metiu 5:18

A tong tuturun i rinimi. Laxalibet mi lavatbung menemen naba nemen at laxanaleng solo, la ap mo levenaleng kopmen tamangkot lixilik at levelinga keneng at Lenavolo naba xap asonao, i se ap mo laaleng levelinga ren naba sorun.

Sam 119:152

Ga ruka xa i gano, aga lox ase boro at lempapaase matmatkun taram, ua nenu uga vaxaxis i la naba nemen lexen.

Sam 119:138

La mo lempapaase matmatkun uga li i, ik mokso la i epovo rinotno do nema manat mas saga ren.

Sam 119:66

Una anasa ia mi levendoxoma nunuan la lakleklen, mila nia a nuunu saga at levempapaase ali ram.

Sam 19:9

I lox avukat do laradi na lok ngangao at Leeme Silok, la limixin dinaba lok ngangao epasum amisik. Levelinga loklok akmokso at Leeme Silok ik mokso la i lox avukat amisik.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Sam 119:34

Una soxomus asu Lenavolo ram tia la abam tebeng atmatkun teren; la anang tonga res teren mi labalak axap.

Sam 119:17

Leeme Silok, una lok lununuan tia, laradi gugu ram, kusu nia aba rooro, la abang tonga res at levelinga ram.

Sam 119:151

Ketla nenu Leeme Silok uk lok auret mun ia, la nom axap levempapaase ali ram i ruturun.