Sam 119:124 - Madak

¹²⁴ Una reven tatao ia, laradi gugu ram, kusu naba epovo rinotno mi labalamu lexen taram, la una anasa ia mi leventetere avolo ram.

Sam 119:124 ပူးပေါင်းရင်းမြစ်များ

Sam 103:10

I epovo xusu atap kip ka leveloklok asongot teren, ketla neni xopmen nak lox asongot nedik na epovo mi levengkakapmek atnedik; la ixo poorang leveng kakapmek la leveloklok bilinga atdik.

Sam 119:12

O Leeme Silok, leemi asu mun tu; una anasa ia mi leventetere avolo ram.

Sam 119:132

Una repukus mu ia la una belemumu ia, kerekngan pam uk lox i rinedi axap di vavara aleng u.

Sam 119:26

Aga tong asu axap lorooro rak, la uga ronga ia; una anasa ia mi leventetere avolo ram.

Sam 119:41

Leeme Silok, una lox asuusu labalamu ram tia, la una lox arooro ia kerekngan laxakaape ram tia,

Sam 119:88

Mumu labalamu lexen taram, una lok lempanga nunuan tia, kusu abang tonga res at levempapaase matmatkun taram.

Sam 130:7

Leme Israel, mina nuunu saga at Leeme Silok atla, labalamu ren naba nemen lexen, la neni i vavara amisik i xusu nak lox aroo su limixin basinge leveloklok kakapmek.

Sam 31:20

Uk lox alipe nedi maxopok at loklok tatao ram basinge lodoxoma alii at limixin kapmek la uk lox amaau di basinge levelinga aksaksa at limixin munepen minedi.

Sam 51:1

O Moroa, una lox asuusu lebelemulus taram tia, mumu nom labalamu lexen taram; una ves kepe leveloklok kakapmek tarak atla nenu u umsu mi langsangan lebelemulus.

Sam 69:13

Ketla nenia, Leeme Silok, anaba ngising parav u; Moroa, unaba ronga ia at loxonaleng axa nenu una soxolik ka i. Una vaase porang ia atla labalamu lexen taram i silok aleng la unaba lox epovo laxakaape ram tik lox asepsu limixin taram.

Sam 69:16

Leeme Silok, una ronga res tarak mi luvukat at labalamu lexen taram; una repukus mu ia mi lebelemulus silok taram!

Sam 79:8

Uguta lox asongot nema mumu laxakapmek at lavalabat atnema. Una belemumu nga nema mo; atla ma baava rino.

Lagale Lavavang At Ne Iesu Karisito Luk Ga Malagan i 18:13

Ketla laradi loklok ka pilas ga ru paxalom lixilik la neni xopmen goxo lox aurut lemeren uto vana at laxalibet, ketla neni ga sogotu at lobongobong teren la ga lok, ‘Moroa, una balamu ia, laradi xapmek.”