Sam 111:9 - Madak

⁹ Neni xusuk mun laradi loklok asepmus ti limixin teren, la ga vaxaxis aulis mo lekabus teren kusu naba nemen amisik; la laasen mun teren i melemelengan la dira pavanga i.

Sam 111:9 ပူးပေါင်းရင်းမြစ်များ

Sam 111:5

Neni mun im taba leveluxa, tinedi dik lok ngangao ren; la neni im doma amisik lekabus neni ga lok pam i eburu mi limixin teren.

Sam 89:7

Keneng at lixitkis buru at limixin kaala, dik marat taram; la nedi axap di tu eburu mi loklok ngangao silok aleng tu.

Sam 99:3

Limixin axap dinaba emi asu mi mo laasen silok teren la dinaba tong i do, neni i melemelengan!

Sam 99:5

Leemi asu ri Leeme Silok ne Moroa atnedik. Mina ngising tin to melamgo at loxot kitkis teren! Neni i melemelengan!

Sam 99:9

Leemi asu ri Leeme Silok ne Moroa atnedik, la ata ngising tin to at loxongkaana xaala Saion! Leeme Silok ne Moroa atnedik i melemelengan.

Metiu 1:21

Neni naba visik lamdak temes la uba so asen i mi ne Iesu, (Lavasuun teren do laradi loklox arooro) mila neni naba lox arooro limixin teren basinge laxakapmek atdi.”

Lagale Lavavang At Ne Iesu Karisito Luk Ga Malagan i 1:49

mila ne Moroa Lolos ira lok pam na lavanga silok tia. Laasen teren i melemelengan.

Lagale Lavavang At Ne Iesu Karisito Luk Ga Malagan i 1:68

“Ata emi asu mi ne Moroa, Leeme Silok me Israel! Ga vot ti soxomus asu limixin me Israel at loxokoxo at ne Satan.

Epesas 1:14

Na Loroonan Kaala i lok ngan lampinebeng ti loklox arooro atdik kusu nedik tanaba lok ka mo leventamtaba ne Moroa gara vaase alii vam min ti limixin teren, la nabak lok kuren se at laaleng ne Moroa naba lox epovo loklox arooro ridik. Ata emi asu mi ne Moroa i silok aleng.

Epesas 1:7

Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

Ibru 9:12

Karisito xopmen goxo lok kaka lada at lubulumaxao la at lavatme la ga vubeles min, ketla neni ga vubeles mi lada axa ren ti mo loxot ga xaala aleng no vana at laxalibet, la ga lok letaba min at legesa xonaleng mun, ga lox i xuren kusu na un avolo dik mi lada ren la dik ataba ruuna ka lorooro avolo.

Lisilimet 4:8

Ti nom lavanuet levempanga rooro dik lox amisik, nedi getgesara diga ruuna lavanna levempapa, diga umsu mi levengkatli digak lok at lengkot axap la to bok maxopok at levempapa atdi. La at levenaleng kangking la kanimin kopmen dina xap ti tong na levelinga, ‘I melemelengan, i melemelengan, i melemelengan. Neni Leeme Silok ne Moroa i lolos aleng. Ni ga nemen ganoxa la i nemen mo, la naba vot bok melemu.’ Ais 6:3

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.