Sam 110:4 - Madak

⁴ La Leeme Silok gara xaape vam la kopmen noxo lox ekun bok ba lodoxoma ren. Neni ga lok keretna, “Nenu naba nemen amisik ngan lamaasa kerekngan ne Melkisedek.”

Sam 110:4 ပူးပေါင်းရင်းမြစ်များ

Sam 132:11

Uga lok laxakaape lolos ti ne Devit la ni laxakaape ua u noxo lok ka amlong i, la i lok keretna, “Nenia anaba soxolik tara tamdak taram kusu naba ravasu ngan loorong, la naba rukun u rim gomgonga limixin.

Ibru 5:6

La at loxot petpes at Lovoang Kaala Moroa ga lok bok tin keretna, “Nenu Lamaasa Avolo ngan ne Melkisedek, la kopmen taxavaxap at lugugu ram.” Sam 110:4

Ibru 6:20

La kerepmo bok ne Iesu gamgo ridik uto vana xusu na lok lugugu ngan Lamaasa Avolo kerekngan ne Melkisedek, la lugugu at Lamaasa Avolo noxo xap.

Ibru 7:11

Limixin me Israel di goxo epovo do dina dadat basinge laxakapmek mila xopmen di goxo epovo xusu dina mu asu avukat leventaangas la levelinga at lavamaasa mo digak lok at libibinat at ne Levi; mo leventaangas, ni lavasuun at Lenavolo, ne Moroa ga raba limixin me Israel min. Kuren la limixin digak pakes ti lamaasa vetpes kusu na vot, la ba lok ngan ne Melkisedek; neni noxo lok ngan ne Aron mi lavamaasa at libibinat at ne Levi.

Ibru 7:17

I lok ngan ne Moroa ga tong i at Lovoang Kaala, levelinga ren i lok keretna, “Nenu unaba nemen amisik ngan lamaasa kerekngan ne Melkisedek.” Sam 110:4

Ibru 7:21

Ketla ne Moroa ga vangpe do ne Iesu na lok ka lugugu ngan lamaasa at laaleng ne Moroa ga lok tin keretna, “Leeme Silok ne Moroa ga vangpe vam la neni noxo lox ekun lodoxoma ren. Ni ga lok, ‘Nenu naba nemen amisik ngan lamaasa.” Sam 110:4

Ibru 7:28

Maxeneng at Lenavolo luvuttadi diga lok lugugu ngan lavamaasa amgomgo, la lorooro atdi goxok mokso xerekngan ne Iesu. Ketla ne Moroa ga raba limixin mi Lenavolo, la melemu ni ga vangpe do ne Nitna na lok kaka lugugu at lamaasa gomgo, luruptuvuk teren nabak mokso amisik.

Lisilimet 1:6

La ga lok li nedik ngan lavamaasa at Linintoo ren, kusu dik tana lok lugugu at ne Moroa, ne Temen. Ata emi asu mi ne Iesu, lisisixam mi lololos axap teren; neni naba nemen amisik. I ruturun.