Sam 107:11 - Madak

¹¹ Digak lok go mila diga ronga viribang at levelinga ren, ne Moroa, ni Lanaraavuk. La diga sok tixirixes xepe levenanasa ren.

Sam 107:11 ပူးပေါင်းရင်းမြစ်များ

Sam 106:43

Buaang levenaleng Leeme Silok ga rebeng asu ka limixin teren basinge di, ketla move di goxo mumu asu levelinga ren, kuren la digam subu tup tino ukeneng at laxakapmek silok.

Sam 106:7

Lavalabat atnama di goxo xasep nunuan at lempanga sangsangu neni ga lox i ro Isip. Diga domampe mo levenaleng buaang neni ga lox asuusu labalamu ren tidi. La digang tonga viribang tin, ne Lanaraavuk to at Loxontas Memele

Sam 119:24

Lempapaase matmatkun taram i so misigisigis, ni mun ik lok tooro ia xusu ana ruuna ka lodoxoma avukat.

Sam 68:18

Ni ga lam kaka buaang limixin kokoxo la ga urut eburu midi uto vana at lakaana Saion. Ni ga ruuna ka leventamtaba atdi mo limixin tongtonga xepe diga esev eburu min. Leeme silok ne Moroa naba nemen go.

Sam 68:6

Ni im taba lavanat mangan mi limixin kusu dina nemen eburu min, la i sasar asepmus asu nedi limixin di nemen at loxokoxo xusu dina momo; ketla nedi dixo etu ebelen min, dinaba nemen at lenep kangka i vat dexes.

Sam 73:24

Um lam ase ia mi levenanasa ram la at laxavaxap teren, unaba siam ka ia mi leemi asu ram tia.

Sam 78:40

Digang tonga viribang solo ren to at lamatbin; la buaang mene nga laxanaleng digak lox antun i.

Lagale Lavavang At Ne Iesu Karisito Luk Ga Malagan i 16:14

Lubung Parisi diga ronga i na; la diga lok kalise ne Iesu, mila diga vavara aleng lempilas.

Lagale Lavavang At Ne Iesu Karisito Luk Ga Malagan i 7:30

Ketla lubung Parisi eburu mi luvuttadi loklox ase at Lenavolo diga ronga xepe lesep susu at ne Jon, la kerepmo diga sok tixirixes losoxovo at ne Moroa ridi.

Leven Gugu 20:27

mila nia a goxo lipe tempanga ketla aga tong asu lempanga axap ne Moroa ga lok do na lox i at lorooro atnimi.

Lovoang At Ne Pol Ti Limixin Nunu to Rom 1:28

La limixin di goxopara i do dinam tebeng lakleklen tuturun mumu ne Moroa, kuren la ni ga ke xepe di ri mumu asu levendoxoma atdi xa i ekarakat, kerepmo la diga lok levempanga ixo epovo do dina lox i.