Sam 104:24 - Madak

²⁴ O Leeme Silok; ugara lok pam laxampanga solo! La uga lok di mi lakleklen, do! Lavatbung menemen i umsu mi laxampanga vipis axap taram.

Sam 104:24 ပူးပေါင်းရင်းမြစ်များ

Sam 40:5

O Leeme Silok, nenu ne Moroa atnema. Buaang laxampanga avukat ugara lok pam i rinema; kopmen tara i nunuan polo u! Ugara lox asuusu vam buaang lempanga sangsangu nunuan tinema. Ixo epovo xusu nia ana tong ampana leexes atdi atla mo levempanga i umsu aleng!

Lovoang At Ne Pol Ti Limixin Nunu to Rom 11:33

“Lapnovos at ne Moroa i silok aleng. Lodoxoma ren la lakleklen teren i si aleng. Nege i epovo xusu na soxomus lavasuun at lodoxoma ren? Nege i epovo xusu naklen avukat leventaangas teren?

Epesas 3:10

Lavavara ren ga lok keretna, neni na lox asuvos lagale lodoxoma ren la mo nga limixin lotu dinap kip ka mo lugugu ti lox asuusu mo lodoxoma ren ti lubung angelo la leventoonan to vana at laxalibet.

Sam 107:31

I epovo do dina emi asu mi Leeme Silok, mumu labalamu lexen teren la lempanga nunuan neni ga lok pam i ridi.

Sam 24:1

Lavatbung menemen la levempanga axap di nemen keneng teren, ni at Leeme Silok. Lavatkangka mi levempanga axap di rooro, ateren mun.

Sam 136:5

Neni ga rudum li laxalibet mi mo lakleklen teren; kopmen tekavaxap at labalamu ren.

Sam 8:3

Dola a ven laxalibet nu ga rudum li i, lagaaling mi laxampenti uga vaxaxis di at levengkot atnedi la am doma xeretna;

Epesas 1:8

mo ni ga lox aumsu dik min eburu mi lodoxoma avukat la lakleklen teren.

1 Timoti 6:17

Una vaase axasep di dip novos aleng mi laxampanga at na lorooro do nemen ditak lox asilok di, la di noxo lok li lodoxoma atdi keneng at levenapnovos at na lorooro, mila lapnovos noxo nemen amisik; ketla dina lok li levendoxoma atdi at ne Moroa xusuk mun, mo im taba amisik dik mi levempanga axap ti lox amomo dik.

Sam 65:11

Loklok taram i nunuan kuren la um taba aleng levempanga anan mukun avukat. At levengkot axap ut pas teren, i umsu mi laxampanga anan.

Sam 92:6

La ixo epovo xusu taradi baulang naklen mo lempanga; taradi rangtangku bok ixo epovo ri xasep teren.

Sam 107:24

Diga ven lempanga sangsangu Leeme Silok ga lox i mi mo lolos teren to at laras. Mo lempanga ga nunuan aleng.

Sam 148:7

Laras main tubu, la lempat konomus la lempanga axap ik lok at na lavatbung menemen, mina emi asu min;