Sam 10:14 - Madak

¹⁴ Ketla nenu, Leeme Silok, u ven lenget ka mo levenmumuat la levesongsongot dik lox i ri limixin baava, la u gagas amisik kusu una lok tooro di. Limixin pakpakes di vosiga u xusu una lok tooro di la uk lok tooro amisik di.

Sam 10:14 ပူးပေါင်းရင်းမြစ်များ

Sam 146:9

Neni i reven aratao nedi limixin me xadiong ua di nemen keneng at lenep kangka atnedik; ik lok tooro lempat naa rixin eburu mi lubung karun, ketla ik lox asaxaek (tino) nedi luvuttadi loklok kakapmek.

Sam 22:11

Nemen uta nemen vaxalom basinge ia! Levenmumuat mo i auret, la kopmen tara ri lok tooro ia.

Sam 31:8

Nenu nu goxo ke xepe limixin munepen minia, gita xoxo ka ia. Nu uga lok tooro ia la nia aga nemen avukat, la nia agat pas tangtagap at lavavara axa rak.

Sam 35:22

Ketla nenu, Leeme Silok, ugara ven pam i do nenia ap sepsen. O Leeme Silok, nemen bok ba uta vamngus. Nemen uta nemen paxalom!

Sam 55:22

Una ke raba Leeme Silok mi laxanmumuat taram, ni naba tupe u; ni xopmen na ke xepe limixin mokmokso kusu limixin petpes dina sak tup midi.

Sam 68:5

Moroa i nemen to xeneng at loogu laplavang teren i xaala; ni i kok lubungkurun la ik lok tatao lubung naa rixin, lavatlok atdi diga met pam.

Sam 68:6

Ni im taba lavanat mangan mi limixin kusu dina nemen eburu min, la i sasar asepmus asu nedi limixin di nemen at loxokoxo xusu dina momo; ketla nedi dixo etu ebelen min, dinaba nemen at lenep kangka i vat dexes.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

1 Pita 4:19

Kuren la nedi dik lok kaka losongsongot mila dik lok mu asu lavavara at ne Moroa, dina tu lolos at leveloklok nunuan, la lunuunu atnedi na tu tuxuruxun at ne Moroa, laradi runtudum li, la neni kopmen na domampe laxakaape ren.

1 Pita 5:7

Mina ke raba i mi levenanbulu atnemi, atla neni im doma loxokok tinemi.